Huawei экраности селфи камерали смартфонни патентлади

Huawei экраности селфи камерали смартфонни патентлади

Айни дамда ZTE экраности камерасига эга смартфонни тижорий равишда сотаётган ягона компания ҳисобланади.

ЎҚИНГ: Яширин олд камерали ZTE Axon 20 5G смартфонининг илк расмий сурат ва видеоси!

Samsung Galaxy Fold3 ҳам айни технологияга эга бўлишини кутиб қоламиз. Oppo ҳам мазкур ечим устида ишлашни аллақачон бошлаб юборган. Энди эса экраности камерага эга смартфонни патентлаш билан Huawei ҳам юқоридаги компаниялар қаторига қўшилди.

Расмий ҳужжат иллюстрациялар билан тақдим қилинган. Чизмалардан фойдаланиб, LetsGoDigital'дагилар қурилма рендерини яратган. Тасвирдан кўринишича, смартфон камера ва умумий дизайн борасида Honor X20 SE'га анчайин ўхшаш. Ҳолбуки, патент чизмалари тайёрланаётган маҳсулотнинг аниқ тасвирини акс эттириши шарт эмас, шу сабабдан ушбу смартфон кўриниши бутунлай бошқача бўлиши ҳам мумкин.

Патент Хитой миллий интеллектуал мулк бошқармасига топширилган. Бундан ҳайрон қолмаса ҳам бўлади, чунки айни дамда Huawei учун асосий катта бозор фақат Хитой бўлиб турибди.

ЎҚИНГ: Samsung экраности камерали илк девайсини кўрсатди, лекин бу смартфон эмас! (расмий видео)

Terabayt.uz сайтининг видеолари: Youtube'даги каналимизда!