Huawei – энг кўп фойда кўрадиган Android-смартфон ишлаб чиқарувчиси

Бундан бир неча ой илгари Хитойнинг Huawei компанияси тез орада Samsung ва Apple‘дан ўтиб, жаҳон смартфон бозорида етакчиликни қўлга олиши ҳақида маълум этганида ушбу хабар бироз муболағали туюлган эди. Бироқ сўнгги натижалар хитойлик гигантнинг тўғри йўналишда бораётганини исботламоқда.

Жумладан, mobiltelefon нашрининг Strategy Analytics агентлигига таяниб хабар қилишича,  Huawei 2016 йил якунларига кўра энг кўп фойда кўрадиган Android-смартфонлар ишлаб чиқарувчисига айланган. Мутахассисларнинг қайд қилишича, Samsung Galaxy Note 7 билан содир бўлган салбий ҳодиса ҳам бунга таъсир қўрсатган.

Мисол учун, Huawei сўнгги чоракда смартфонлар савдосидан 200 млн доллар даромад кўриб, смартфонлар бозоридаги умумий фойданинг 2,4 фоизига эгалик қилди. Samsung эса Android-смартфон ишлаб чиқарувчилари рўйхатида тўртинчи ўринга тушиб кетган. Oppo ва Vivo фирмалари Huawei‘дан кейинги ўринларни банд қилишган.