Huawei Kirin 1000 чипи устида ишлаётгани хабари берилмоқда
Huawei Central сайти саноат ичидаги манбаларга таянган ҳолда эълон қилган энг сўнгги хабарга кўра, Huawei кейинги авлод Kirin процессори устида ишламоқда.
Kirin 1000 деб номланиши тахмин қилинаётган ушбу SoC компаниянинг 5 нанометрли процессор асосига қурилган илк чипи бўлиб, 2020 йилнинг иккинчи ярмида тақдим қилиниши айтилмоқда.
Манбанинг таъкидлашича, Huawei чипни синов тариқасида ишлаб чиқаришни бошлаб юборган. Kirin 1000'да A77 архитектуравий ядролардан фойдаланиши керак (990 чипида A76'дан фойдаланилган). Янги чип ҳозирги процессорларга қараганда янада тез ишлаши ва камроқ қувват сарфлашини кутиш мумкин. Kirin 990 каби Kirin 1000 ҳам 5G чип бўлиши аниқ.
Kirin 990 Mate 30 линейкасида дебют қилинганидан келиб чиқиб айтиш мумкинки, Kirin 1000 илк маротаба Mate 40 сериясига ўрнатилади. Янги процессор, шунингдек, Da Vinci нейрал процессорининг кейинги авлод сунъий онгига эга бўлиши ҳам таъкидланмоқда.
ЎҚИНГ: "Хитойча муваффақият" ҳақида билмаслигингизни билмаганларингизни билиб олинг!
