Huawei Mate 30 Pro DxOMark'да янги рекорд ўрнатди
Samsung'нинг Galaxy Note 10+'ини 4 балл фарқи билан ортда қолдирган Huawei Mate 30 Pro DxOMark камера рейтингида янги рекорд ўрнатди.
Расм сифати бўйича тўпланган 131 балл билан смартфон биринчиликни қўлга олди.
DxOMark'да Mate 30 Pro'нинг ўта кенг бурчакли камераси ва тунги режими синовдан ўтказилган. Mate Тунги режим тестида ўзини жуда яхши кўрсата олган. Зум камера ҳам яхши натижа қайд этган. Маълумот учун, Mate 30 Pro'га P30 Pro'даги каби 5х эмас, балки 3х зумли камера ўрнатилган.
Ваҳоланки, ўта кенг бурчакли камеранинг кўриш бурчаги нисбатан торлиги эса танқид қилинган.
Қаҳрамонимизга видео сифати учун 100 балл берилди, бу Note 10+ олган баллдан битта кам. Камера HDR видео ёзув борасида язши натижа қайд этмаган. Ташқарида олинган видеода эса ранг квантизацияси бироз сезилган. Шундай бўлса ҳам, тезкор ва тўғри автофокус ҳамда адекват видео стабилизацияси билан Mate 30 Pro видео ёзув учун бериладиган энг юқори баллардан бирига лойиқ кўрилди.
Хитойликларнинг янги смартфонидаги селфи камера P30 ва Pixel 3'лардан яхшироқ баҳоланди ва топ 5 таликка кира олди. Расм сифати анчайин оширилган, ToF датчиги эса яхшироқ боке эффекти учун хизмат қилади, бироқ автофокуснинг йўқлиги селфи камера учун "минус" бўлди. Селфи видеолар борасида эса аҳвол чатоқ: тасвир резолюцияси 1080p билан чекланган ва расм стабилизацияси ҳам мақтарли эмас.
Олд ва орқа камераларнинг тўлиқ тавсифини DxOMark сайтидан ўқишингиз мумкин. Айтганча, қуйидаги видеони кўришни ҳам унутманг:
ЎҚИНГ: DxOMark: Samsung Galaxy Note 10+ 5G - камерафонлар қироли!
