Huawei Mate 9 – энг кучли Android смартфон
Куни кеча Хитойнинг Huawei компанияси ўзининг навбатдаги флагмани – Huawei Mate 9 фаблетини расман намойиш қилди. 4PDA сайтининг ёзишича, флагман бугунги куннинг энг кучли процессори Kirin 960 билан жиҳозланган. Бундан ташқари, модель Leica компанияси билан ҳамкорликда яратилган бутунлай янги қўш камерага (20МП + 12МП) ҳам эга бўлган. Олд камера аниқлиги – 8 МП.
Huawei Mate 9 смартфони 4 ГБ тезкор хотира, тўлиқ металл корпус, 5,9 дюймли Full HD экран (393 ppi) билан таъмнланган. Экран аниқлиги 2К бўлмаганлиги сабабли, тасвирни юклаш пайтида процессорга ортиқча оғирлик тушмайди.
Корпуснинг орқа тарафида бармоқ изи сканерига мўлжалланган думалоқ сенсор мавжуд. Унга USB Type-C порти, NFC модуль, 3,5 миллимертли наушник слоти ўрнатилган.
Қурилма Android 7.0 Nougat дастурида ишлайди. Батарея сиғими – 4000 мА/соат.
Huawei Mate 9 флагмани 699 евро нархида тез орада сотувга чиқарилади.