Huawei Mate V букламафонининг рендерлари эълон қилинди

Huawei Mate V букламафонининг рендерлари эълон қилинди

Яқинда интернет тармоғида Galaxy Z Flip каби форм-факторга эга бўлган Huawei Mate V'нинг рендерлари эълон қилинди. 

Бир қарашда смартфоннинг орқа панель дизайни Huawei P50 сериясиникига ўхшаб кетади. Бироқ Mate V'да камера модули фақат битта ҳолос. Пастдаги доира бу - дисплей бўлиб, у вақт, сана, билдиришномаларни кўрсатиб туради. 

Смартфон Kirin 9000 чипига эга бўлиши кутилмоқда. Бироқ айрим манбалар Huawei'да Kirin чипларининг захираси йўқлиги ҳақида хабар бермоқда. Шунинг учун, компания янги букламафонга бошқа турдаги чипни ўрнатиши мумкин. 

Қурилма HarmonyOS операцион тизимида ишлайди. Унинг тақдимоти декабрь ойида бўлиб ўтиши тахмин қилинмоқда. 

ЎҚИНГ: Xiaomi 12'нинг орқа панели акс этган сурат пайдо бўлди 

Terabayt.uz сайтининг видеолари: Youtube'даги каналимизда!