Huawei’нинг инқилобий буклама смартфони аллақачон ишлаб чиқариш жараёнида!

  •   DiMaX
  •  1000
  •  28.05.2018 15:17

Huawei’нинг инқилобий буклама смартфони аллақачон ишлаб чиқариш жараёнида!

Эгилувчан дисплейга эга – буклама смартфонлар яратиш устида бир қатор компаниялар ишлаётганидан хабарингиз бор. Huawei аллақачон бу борада бошқалардан ўзиб кетди, деб ёзади DigiTimes нашри.

ЎҚИНГ: Apple’га қарши Huawei «жанг»га кираётир!

Хитойлик техногигант ҳамда BOE Technology компанияси ҳамкорликда буклама смартфонни биринчи бўлиб тақдим этишади. Бу ҳақдаги маълумот ушбу гаджет учун қисмларни етказиб берувчилардаги ишончли манбалардан олинган, дейилади хабарда. Ушбу икки компания бетакрор – буклама форм-факторга эга телефонни яратиш мақсадида ҳамкорликка зўр беришган. Мазкур инқилобий смартфон учун диагонали 8 дюймлик қайишқоқ OLED-дисплейларни ишлаб чиқариш ишлари аллақачон амалга оширилмоқда.

Манбага кўра, Huawei ҳамда BOE Technology раҳбарлари буклама смартфон яратишга қизиқиб қолган Samsung’дан ўзиб кетишни ўз олдларига мақсад қилиб қўйишган. Аввалроқ тарқалган хабарларда айтилишича, жанубий кореяликлар Galaxy X – инқилобий буклама смартфонини шу йилнинг ноябрь ойидаёқ тақдим этишлари мумкин.

ЎҚИНГ: ВИДЕО: Уч экранли Samsung Galaxy X буклама смартфонини ишлаётган ҳолатида кўрсатишди

Айтиш керакки, BOE Technology компанияси ҳали ўтган йилиёқ қайишқоқ OLED-дисплейларни оммавий равишда ишлаб чиқара бошлаган. Энди эса «Осмон ости салтанати»даги ушбу компания аллақачон ўз юртдоши – Huawei учун дисплейлар тайёрлаб бермоқда.

Яна шуниси ҳам борки, Huawei’дан бошқа смартфонсозлар ҳам BOE Technology билан яқин ҳамкорлик қилишаётган экан. Улар қаторида яна иккита етакчи смартфонсоз бу компанияга айнан қайишқоқ дисплей буюртма берган. Лекин айни дамда уларнинг номлари маълум қилинмаётир.

ЎҚИНГ: ВИДЕО: қайишқоқ OLED-экранли буклама смартфонни ишлаётган ҳолатида кўринг!