Huawei P Smart Pro'нинг хусусиятларини Google очиқлади

Huawei P Smart Pro'нинг хусусиятларини Google очиқлади

Google'нинг Enterprise listing (Корхонлар маълумотлар базаси)да Android ОТда ишловчи смартфонлар рўйхати мавжуд. Баъзи ҳолларда смартфонлар ҳақидаги маълумот улар тақдим қилинишидан олдин ушбу базада пайдо бўлади. Ҳозирги вазиятда эса, икки кун ичида иккита смартфон базада ошкор қилинди. Google кеча Huawei nova 5T, бугун эса Huawei P Smart Pro смартфонлари ҳақидаги сирларни очиб қўйди.

Листингда маълум қилинишича, Huawei P Smart Pro 4ГБ оператив хотира, 64ГБ доимий хотирага эга бўлади. Google, шунингдек, смартфоннинг бир дона олд томон расмини ҳам рўйхатда кўрсатган. Афсуски, очиқланган бор маълумот шугина холос.

P Smart билан экран катталиги борасидаги тафовут ҳам катта. Янги смартфон экрани 6,5 дюймли бўлса, P Smart'нинг дисплей ҳажми 5,65" эди. Бундан ташқари, эски модель Kirin 659 чипида ишлар эди, ушбу Pro версияга эса янги Kirin 810 ўрнатилиши мумкин.

Юқори қисмдаги ром ингичкалигидан келиб чиқиб айтиш мумкинки, P Smart Pro — Honor 9X ва Honor 9X Pro'лар каби — pop-up камера платформасига эга бўлиши мумкин.

Қурилма бир неча ҳафта ичида тақдим қилиниши керак. Шунда билмаган барча маълумотимизни билиб олишимиз мумкин бўлади.

ЎҚИНГ: Mate 30 Pro "қўлга тушди"!