Huawei P10 моделининг фото-рендерлари эълон қилинди

Huawei P10 моделининг фото-рендерлари эълон қилинди

Хитойнинг Weibo микроблогида Huawei компаниясининг навбатдаги флагмани P10 моделига тегишли янги фото-рендерлар эълон қилинди, деб ёзмоқда Mobil Telefon нашри.

Расмда моделнинг тилларанг ва қора рангдаги версиялари кўрсатилган. Leica билан ҳамкорликда яратилган қўш камера (20+12 МП) флагманнинг ҳозирча энг асосий кучли хусусиятларидан бири бўлиб қолмоқда.  Камерада P9 моделидаги сингари Summarit H линзалари қўлланади.

Миш-мишларга қараганда модель 5,5 дюймли Quad HD форматидаги экранга эга бўлади. Бармоқ изи сканери ҳар доимгидай орқа корпусда эмас, балки олд панелдан ўрин олади. Албатта, ҳозир бу параметрларни юз фоиз аниқ дейиш мушкул. Аммо катта эҳтимол билан янги флагман юқоридаги хусусиятлар билан таъминланиши кутилмоқда.

Terabayt.uz сайтининг видеолари: Youtube'даги каналимизда!