Huawei P11 (P20) тақдимот санаси ва жойи тасдиқланди, аммо бу MWC 2018 эмас!
Хитойлик техногигант Huawei ўзининг янги флагман смартфонини бу йилги Mobile World Congress кўргазмасида намойиш этмоқчи эмас. Бу ҳақда GizChina нашри хабар бермоқда.
ЎҚИНГ: Huawei P11 ҳатто iPhone X эгаларининг ҳам ҳавасини келтиради!
Бунинг ўрнига, Huawei компанияси 27 март куни алоҳида матбуот анжумани ўтказмоқчи эканини маълум қилди. Парижда бўлиб ўтадиган ушбу тадбирда у ўзининг навбатдаги флагман смартфонларини тақдим этмоқчи.
Аммо янги туркумдаги смартфонларнинг қандай номланиши ҳозиргача аниқ маълум эмас. Таниқли инсайдер Роланд Куандт (Roland Quandt) таъкидлашича, ишлаб чиқарувчи уларни Huawei P20, P20 Plus ва P20 Lite деб номламоқчи. Бироқ Huawei сайтида аллақачон Huawei P11 савдо маркаси қайд этилган.
ЎҚИНГ: Huawei P11 ҳамда P12 смартфонлари ишлаб чиқарувчининг расмий сайтида кўриниш берди
Янги флагманнинг асосий ўзига хослиги учта датчикка эга, 40 мегапикселли асосий камераси бўлиши айтилмоқда. Шунингдек, у худди купертинолик гигантнинг юбилей айфонидаги каби, «кемтик»ли экранга ҳам эга бўлиши мумкин.
