Huawei P40/P40 Pro'лар TENAA'да
Huawei'нинг янги P40 серия флагманлари март ойи охиригача тақдим этилмаслиги айтилётган эди. Аммо P40 ва P40 Pro аллақачон Хитой сертификат агентлиги (TENAA) сайтида пайдо бўлди.
Huawei P40'нинг модель рақами AA-AN00 ва ANA-TN00, P40 Pro моделиники эса ELS-AN00 ВА ELS-TNOO бўлиши маълум бўлди.
Бу гаджетларнинг глобал ва Хитой вариантларининг модель рақамлари бўлиши мумкин. Қисқа маълумотларга кўра, P40 ва P40 Pro'нинг глобал ва хитой версияларининг барчаси 5G тармоғини қўллаб-қувватлайди. Шунингдек, смартфонлар иккита SIM карта қабул қилиши ва энг ажабланарлиси, гаджетлар Android операцион тизимида ишлаши маълум бўлди.
Бундан ташқари, P40'нинг перископ телефото ва 10х оптик зум билан жиҳозланган 5 та камерали Premium Edition'и чиқиши ҳам кутилмоқда.
Миш-мишларга қараганда, P40'га 4 камера - 52МП асосий, 40МП ультракенг ва 5х оптик зумли 8МП телефото камералар ўрнатилади.
P40 Pro моделида 4 томони қайирма тирқишсиз диплей бўлиши кутилмоқда. Ўтган ой P40 моделини жонли видеосини томоша қилиш имкониятига эга бўлган эдик. Видеода қурилманинг юқори чап томонида қўш камера борлигини кўриш мумкин эди.
Huawei P40 сериялари ҳақида янгиликлар тарқалиши давом этмоқда. Биз эса сизни хабардор этиб борамиз.
