Huawei P9 Max: 6,9 дюймли улкан смартфон

Ўтган ҳафтада Huawei иккита Leica камерали Huawei P9 ва P9 Plus ҳамда бирмунча соддароқ бўлган P9 Lite смартфонларини ўз ичига олган флагманлар сафини тақдим этган эди. Агарда GFXBench бенчмарки маълумотларига ишонадиган бўлсак, смартфонлар сафи яна бир Huawei P9 Max флагмани билан тўлдирилади. Номидан англаш мумкинки, у улкан Huawei P8 Max планшетофонининг кейинги вориси бўлиб, 6,9 дюймли экран билан таъминланади. Аввалги моделда экран диагонали 6,8 дюймни ташкил этар эди.

Мавжуд маълумотларга кўра, экран сиғими 1920х1080 нуқтадан иборат бўлади. Унинг ичига компаниянинг ўзи томонидан ишлаб чиқарилган HiSilicon Kirin 950 (4х2.2 ГГц Cortex-A72 + 4х1.8 ГГц Cortex A53) процессори ўрнатилади. Унда шунингдек, Mali-T880 график тезлаткичи, 3 Гб тезкор ва 32 Гб доимий хотира мавжуд. Смартфон EMUI дастурий қопламаси ўрнатилган ОС Android 6.0 Marshmal операцион тизими асосида ишлайди. Смартфон нархи ва тақдимот санаси ҳозирча маълум қилингани йўқ.