Huawei раҳбари аэропортда Mate X билан «қўлга тушди»!

Samsung ўзининг Galaxy Fold буклама смартфонини сентябрда қайта сотувга қўйишини куни кечагина расман эълон қилган эди. Мазкур инқилобий қурилманинг хитойлик рақиби ҳам айни шу паллада бозорларга чиқади.

ЎҚИНГ: Huawei бешта моделдаги флагманлари, жумладан – Mate X ҳамда Mate 30 5G сотувга чиқиш вақтини расман айтди

Gizchina нашрининг ёзишича, куни кеча Huawei ижрочи директори аэропортда қўлида Mate X билан кўриниш берган. Афтидан, ушбу қурилма аллақачон кундалик фойдаланишга тайёр бўлган.

Ричард Ю мазкур смартфонни ишлатаётган экан ва уни суратга олишларига ҳам рухсат берган. Кейин унинг «жонли» расмларини Weibo тармоғида тарқатишган:

Айтиш керакки, Huawei дастлаб Mate X моделини ёзда сотувга қўйишни режалаштирган эди. Бироқ асосий рақиби – Galaxy Fold моделида Samsung дуч келган муаммолардан хулоса қилдими, хитойлик техногигант ўз буклама смартфонини янада яхшилаб, сентябрда бозорга чиқарадиган бўлди.

Ҳозиргача глобал бозорга чиқарилган айрим Huawei смартфонларини эса 1 059 000 сўмдан бошланувчи нархларда Terashop.uz интернет-дўконимиздан сотиб олиш имкони мавжуд.

ЎҚИНГ: Расман: Huawei смартфонлари HongMeng тизимига ўтмасдан, Android’да қолади! Лекин...