Huawei тез орада флагман ноутбукини тақдим этмоқчи
Куни кеча хитойлик техногигант ўзининг Mate 20 туркумидаги флагманларини ҳамда смарт-соатини расман намойиш этганидан хабарингиз бор. Лондонда бўлиб ўтган ушбу тадбирда Huawei ўзи яқин орада тақдим қилишни режалаштираётган яна бир гаджетга нозик ишора қилиб ўтган.
ЎҚИНГ: Дунёда биринчи: Huawei Mate 20 смартфонни симсиз қувватлайди
AnanTech сайти журналистлари тақдимотдан айрим слайдларни сақлаб олишга улгуришган. Уларга таянган ҳолда айтиш мумкинки, Huawei шу йилнинг ноябрида MateBook туркумидаги флагман ноутбукларининг янги версиясини тақдим этади.
Тақдимот тадбиридаги слайдлардан бирида Huawei ноутбуки ва компаниянинг янги смартфони акс эттирилган. Афтидан, бу MateBook X Pro эмас, балки оддий эски MateBook бўлса керак.
Mate 20 флагман смартфонларида янги функция татбиқ этилган, бу – Huawei қурилмалари орасида симсиз ҳолда юксак тезликда маълумот алмаша олиш имконидир. MateBook модели ишлаб чиқарувчининг мазкур функцияни қўллаб-қувватловчи илк ноутбуки бўлади. Компания вакилларининг таъкидлашларича, ушбу технология ёрдамида икки сонияда мингтагача фотосуратни битта Huawei гаджетидан иккинчисига симсиз алоқа орқали ўтказиш мумкин.
Дарвоқе, айрим ишлаб чиқарувчиларнинг турли русумлардаги ноутбукларини Terashop.uz интернет-дўконимиздан онлайн усулда харид қилишингиз мумкин. Бунда уйдан ёки офисдан чиқмасдан буюртма беришингиз, тўловни ўзингизда маъқул усулда ва товар қўлингизга текканидан кейин амалга оширишингиз мумкинлиги каби жиҳатлар сизга маъқул келади.
ЎҚИНГ: Huawei MateBook D (2018) – MacBook’дан кўп томонлама яхши ультрабук тақдим этилди
