Huawei, Xiaomi ва Oppo флагманларини енгган Meizu 17 намойиш куни ва илк расмий сурати эълон қилинди
Meizu компанияси янги флагманлар оиласини 22 апрелда тақдим этиши кутилаётган эди. Аммо коронавирус пандемияси туфайли унинг намойиши кечиктирилиб, 8 май санасига кўчирилди.
ЎҚИНГ: Meizu 17 тақдимотдан аввал AnTuTu’да: лидер эмас, лекин ТОП-ўнталикда!
Янги туркумга стандарт Meizu 17 (ёки Meizu 17th) ҳамда Meizu 17 Plus (ёки Meizu 17th Plus) моделлари киради. Буларнинг биринчиси яқинда ўтказилган тестда Xiaomi Mi 10, Huawei P40 Pro ҳамда Oppo Find X2 Pro флагманларини ортда қолдирган эди.
Meizu компанияси чиқарган навбатдаги тизер эса Meizu 17 смартфонини олд ва орқа томонидан акс эттирган:
Кўриб турганингиздек, унинг олд камераси экраннинг юқори ўнг бурчагидаги тирқишга жойланган; дактилоскопик сканер ҳам дисплейнинг ўзига интеграция қилинган. Асосий камера эса кўп модулли горизонтал блокка жойланган. Миш-мишларга кўра, унда 65, 8, 5 ва 2 мегапикселлик сенсорлар қўлланган.
Дарвоқе, бу флагманнинг «оға»си – Meizu 17 Plus бошқа бир жиҳатдан энг кучли рекорд ўрнатганки, бунақаси ҳали етакчи компанияларнинг тушига ҳам кирмаган...
ЎҚИНГ: Ўз эгаларини рози қилган ТОП-10 смартфон (AnTuTu рейтинги, 2020 йил февраль)
