Ҳукуматни танқид қилувчи энг йирик Telegram-канал муаллифи фош бўлди, аммо у йўлидан қайтмоқчи эмас!
Telegram мессенжерининг ўз фойдаланувчилари махфийлигини, шахсий маълумотларини мустаҳкам ҳимоялаши яхши, албатта. Аммо мазкур ҳимоядан турлича йўлларда фойдаланиш мумкинлиги ҳам бор гап.
ЎҚИНГ: Андижонда интернетдан ғаразли мақсадда фойдаланганлар жазоланди
Жумладан, Telegram-каналлар борасида ушбу жиҳат янада муҳим. Россиянинг энг оммабоп каналлари учлигига кирган «Сталингулаг» ушбу мамлакат ҳукуматини, сиёсатини танқид қилиб келиши билан машҳур. Бироқ мазкур канални ким юритаётгани шу пайтгача номаълум бўлиб келаётган эди.
Ўтган йилнинг ёзида РБК нашри журналистлари мазкур канални Александр Горбунов юритишини айтиб қолишди. Аммо айни дамда Москвада яшаётган ногирон блогернинг ўзи ушбу маълумотни тасдиқламаган.
Жорий йилнинг 27 апрелида «Сталингулаг» каналида чиққан хабарга кўра, Горбуновнинг қариндоши – «Доғистонлик Саня» лақабли кишининг уйини тинтув қилган. Уни телефон орқали террорчилик қилишда айблашган.
Хулласи калом, BBC нашри билан 2 май куни бўлиб ўтган интервьюда Александр Горбунов ўзи тан олган – «Сталингулаг» каналини чиндан ҳам у яратган ва юритиб келаётган экан. Таъкидлаб ўтиш ўринлики, ҳозирда каналнинг обуначилари 353 мингдан ошиқ.
Блогернинг ўзи бундан кейин ҳам шу тарзда ёзишда давом этишини таъкидлаган. Унинг тўлиқ интервьюси билан мана бу ҳавола орқали (рус тилида) танишиш мумкин.
