Hyperloop – тезюрар транспорт оламидаги инқилоб
“Hyperloop” каби юқори тезликда ривожланиш жараёни ҳақиқатга айланиб бормоқда. Лондонда бўлиб ўтган келажак транспортлари ҳафталигида маълум қилинишича, икки-уч ҳафта ичида бошланғич синов ишлари учун қурилишлар бошлаб юборилади ва ушбу юмушларнинг 32 ой ичида якунига етказилиши кўзда тутилган.
“Tesla” ва “SpaceX” асосчиси Элон Маск Калифорния штатининг Кинг шаҳри атрофида синов учун ташкил этиладиган майдон, янада аниқроқ айтганда, Лос-Анжелес ва Сан-Франциско шаҳри оралиғининг деярли ярмида “Hyperloop” билан уюшма ташкил этишни режалаштирган.
“Google” харитасига кўра, 400 миль масофани босиб ўтиш учун тахминан 6 соат вақт керак бўлади. “Hyperloop”да эса ярим соат вақт талаб этилади.
“ХТТ” ва “Bibop”нинг бош директори Габриэл Грестанинг фикрича, “Hyperloop” келажакда тасаввуримиздан ўрин олган саёҳат ҳақидаги тушунчаларни ўзгартириб юбориши мумкин.
“Hyperloop” инсон организмига камроқ босим тушиши учун махсус бириктирилган қувурларга эга. “Hyperloop” автомобиллари соатига 760 км масофани босиб ўтиши мумкин. Албатта, бунга ишониш бироз қийин, шундай эмасми? Бошида “Hyperloop”нинг фойдаланувчилари 160 мил/соат тезликда ҳаракталаниш имконига эга бўлган. Бу эса ҳар бир ҳайдовчига автомобиль пойгаларида ҳаракатланаётгандек ҳиссиёт бериши мумкин.
“ХТТ” мазкур лойиҳани рўёбга чиқариш учун 150 млн. доллар миқдорида маблағ сарфлашни режалаштирмоқда. Кинг Каунти маркази эса транспорт тизими ёриткичларини синовдан ўтказиш учун шамол, қуёш ва кинетик энергиядан фойдаланишни кўзда тутган. Грестанинг фикрича, “Hyperloop”нинг синов намунасидан 10 миллион йўловчи фойдаланиш имконига эга бўлади. Саёҳат вақтида йўловчилар вакуум ва магнит кучи ёрдамида тирбандликлар юзага келган вақтда бошқа йўналишга буриб юборилади. “Hyperloop”да ишлатилган ҳар қандай қувват тармоққа қайта сотилиши ҳам мумкин.
Таъкидлаш жоизки, мазкур лойиҳа устида 2013 йилдан бери иш олиб борилмоқда. Грестанинг маълум қилишича, гарчи Сан Францискода бу борада катта ишларни амалга оширишга имконият яратилган бўлса ҳам, “Hyperloop” АҚШда қурилмайди.
