IFA – 2016: Acer Predator 21 X – енгилмас йиртқич

IFA – 2016: Acer Predator 21 X – енгилмас йиртқич

Кеча Берлинда бошланган IFA – 2016 кўргазмасида Тайваннинг Acer компанияси Predator 21 X номли эгилган экранга эга бақувват ноутбукни намойиш этди. Модель, асосан, ўйин ноутбуки сифатида позицияланмоқда.

Predator 21 X ноутбук ишлаб чиқариш саноатидаги эгилган экранли илк гаджет ҳисобланади. Моделнинг экранининг катталиги – 21-дюйм, 2560Х1080 пиксель аниқлигидаги IPS матрицада ишланган.

20160831_120348-100680118-large

Ноутбук Kaby Lake авлодидаги Intel Core микропроцессорларида ишлайди,  SLI технологиясидаги иккита NVIDIA GeForce GTX график процессорга эга.

Битта йирик марказий ва иккита график процессорларни совитиш учун 5 та вентилятор ва кўплаб иссиқлик найчалари кўзда тутилган. Чунки Core i7 ва GeForce GTX 1080 жуфтлиги 400 Ватт атрофида иссиқлик ишлаб чиқарганлиги сабабли Predator 21 X ноутбукига мукаммал совитиш тизими жуда зарур.

acer_predator_21_x_internal_view-100680058-large

Нигоҳ билан бошқариш функциясини татбиқ этиш мақсадида ноутбукка ишлаб чиқарувчи томонидан Tobii EyeX сенсорлари қўлланилган. Ҳозирда бундай замонавий технология The Division ва янги Deus Ex сингари 40 дан ортиқ ўйинларда қўллаб-қувватланади.

Интернет тармоғига уланиш учун Acer Predator 21 X ноутбуки Gigabit Ethernet порти ва 2T2R 802.11ac Wi-Fi модули билан таъминланган. Шунингдек, қурилманинг орт томонида икки антеннали Bluetooth датчиги кўзда тутилган. Бундан ташқари, ноутбукда USB Type-A, USB Type-C слотлари, аудио кириш/чиқиш ҳамда ташқи дисплейларни улаш учун 3 та коннектор (иккита DisplayPort 1.2, битта HDMI) мавжуд.

acer_predator_21_x_rear_half-closed-100680057-large

Гаджетнинг габаритлари – 568 х 314,5 х 83,25 мм, оғирлиги – 8 кг.

Ноутбукда ҳали тақдим этилмаган Kaby Lake авлодидаги Intel Core процессорларидан фойдаланилганлиги туфайли, қурилма сотувга фақат 2017 йилнинг биринчи чорагида чиқарилиши мумкин. Шунинг учун ҳозирча Acer янги гаджетнинг барча имкониятлари тўлиқ намойиш этгани йўқ. Ушбу турдаги гаджет фақат буюртма асосида ишлаб чиқарилиш ҳам мумкин. Айни вақт ноутбукнинг нархи тўғрисида маълумот берилмаган.