Икки Ultra тўқнашуви!

Muhammad Yusuf
1283
10.05.2022 19:12

Жанубий Кореянинг Samsung компанияси шу йилнинг феврал ойида ўзининг Galaxy S22 сериясидаги смартфонларини тақдим қилганида, уларнинг орасида энг кучлиси бўлган Ultra моделини ҳам чиқарган эди. Орадан уч ойларча вақт ўтгач, ZTE компанияси ҳам ўзининг янги Axon 40 смартфонлари қаторини тақдим қилди ва уларнинг бирига Ultra номини берди. Бу 2022 йилда ана шундай ном қўшиб чиқарилган иккинчи флагман бўлди ва бу икки юқори даражадаги қурилмалар ташқи томондан ҳам, ички томондан ҳам бир-бирига муносиб рақиб бўлди.

Samsung Galaxy S22 Ultra ва ZTE Axon 40 Ultra
Муаллиф: Ice Universe (Twitter)

Инсайдер Ice Universe ўзининг Twitter саҳифасида икки Ultra таққосланган жонли суратларни улашди. Кўриниб турибдики, иккила смартфон танаси деярли бир хил ўлчамда, шу билан бирга уларнинг рамкаларини жуда ингичка бўлиб, гарчи уларнинг фарқи йўқдек кўринсада, яқинлаштириб қаралганда Axon 40 Ultra рақибига қараганда ингичкароқ қора чегарага эга. Икков Ultra'нинг ҳам ён томонлари бироз қайрилган ва чап томонида овоз бошқаруви, ёқиш тугмалари жойлашган.

Axon 40 Ultra ва Galaxy S22 Ultra ташқи кўринишидан эгизакларга ўхшасада капот остида улар кўп нарсада фарқ қилади:

	ZTE Axon 40 Ultra	Samsung Galaxy S22 Ultra
Тармоқ технологияси	5G	5G
Қурилма ўлчами	163.2 х 73.5 х 8.4 мм	163.3 х 77.9 х 8.9 мм
Оғирлиги	204 г	228 г / 229 г
Экран тури	AMOLED, 120Hz, HDR10+, 1500 nits	Dynamic AMOLED 2X, 120Hz, HDR10+, 1750 nits
Экран ўлчами	6.8 дюйм, 111.6 cм² (экраннинг танага нисбати ~93.1%)	6.8 дюйм, 114.7 cм² (экраннинг танага нисбати ~90.2%)
Экран резолюцияси	1116 х 2480 пиксел, ҳар бир дюйм учун пиксел зичлиги ~400	1440 х 3088 пиксел, ҳар бир дюйм учун пиксел зичлиги ~500
Олд камера	16 MP, f/2.0 (экран остида), HDR 4K@30fps, 1080p@30fps	40 MP, f/2.2, авто HDR 4K@30/60fps, 1080p@30fps
Орқа камера	64 MP, f/1.6, PDAF, Laser AF, OIS 64 MP (перископ телефотоси), f/3.5, PDAF, OIS 64 MP (ултра кенг), f/2.4, PDAF иккилик LED икки хиллик флаш, HDR, панорама 8K@30fps, 4K@30/60fps, 1080p@30fps	108 MP, f/1.8, PDAF, Laser AF, OIS 10 MP (перископ телефотоси), f/4.9, PDAF, OIS 12 MP (ултра кенг), f/2.2, PDAF, Super Steady video 10 MP (телефотоси), f/2.4, PDAF, OIS ЛЕД флаш, авто ҲДР, панорама 8K@24fps, 4K@30/60fps, 1080p@30/60/240fps, 720p@960fps
Операцион тизим	Android 12 ga асосланган MyOS 12	Android 12 ga асосланган One UI 4.1
Чипсет	Qualcomm Snapdragon 8 Gen 1 (4 nm)	Qualcomm Snapdragon 8 Gen 1 (4 nm)
Оператив хотира	8/12/16 GB	8/12 GB
Доимий хотира	256/512 GB / 1 TB (SD карта учун жой мавжуд эмас)	128/256/512 GB / 1 TB (SD карта учунжой мавжуд эмас)
Батарея	5000 mAh	5000 mAh
Қувватланиши	80W	45W
Қулоқчин учун 3.5 мм уя	мавжуд эмас	мавжуд эмас
Карнай	бор ва стерео	бор ва стерео
USB тури	USB-C 3.1	USB-C 3.2
SIM карта	иккилик нано SIM карта	бирлик ёки иккилик нано SIM карта + eSIM қўллаб-қувватланиши
Wi-Fi	Wi-Fi 802.11 a/b/g/n/ac/6e	Wi-Fi 802.11 a/b/g/n/ac/6e
Bluetooth	5.2	5.2
NFC	бор	бор
Сенсорлар	Бармоқ изини аниқлаш (экран остида, оптик), акселерометр, гироскоп, яқиндаги нарсаларни аниқлаш, компас	Бармоқ изини аниқлаш (экран остида, ултратовуш), акселерометр, гироскоп, яқиндаги нарсаларни аниқлаш, компас, барометер
Тақдим қилингандаги нархи	(8/256) $743	(8/128) $1200

Иккала Ultra ҳам ўзининг устунлик томонларига эга. Масалан, Galaxy S22 Ultra ўзининг S Pen ручкаси билан ишлай олса, Axon 40 Ultra экран ости камерасига эга. Хулоса ўрнида шуни айтиш мумкинки, буларнинг қайси бирини олсангиз ҳам, қўлингизда юқори сифатли, чиройли дизайнга эга Ultra смартфон бўлади.