Иккинчи уриниш: Samsung Galaxy Fold ҳам Huawei Mate X билан бир вақтда сотувга чиқади
Samsung маркетинг мақсадида ўзининг инқилобий гаджети – Galaxy Fold моделидан бир нечтасини тавсиф қилиш учун журналистларга тарқатганди. Аммо уларнинг дисплейидаги носозлик туфайли реклама кампанияси акс таъсир кўрсатди ва компания хатосини тан олиб, узр сўрашга мажбур бўлди.
ЎҚИНГ: «Инқилоб» амалга ошмади: Samsung барча Galaxy Fold’ларини қайтариб оляпти!
Ҳиндистонлик инсайдер Мукул Шарма (Mukul Sharma) ўзининг Twitter-саҳифасида Galaxy Fold ҳақидаги янги маълумотни эълон қилди. Унга кўра, Samsung ўзининг буклама смартфонидаги муаммоларини ҳал этиб бўлган ва уни кейинги ойдаёқ қайта савдога қўяди.
Инсайдер мазкур маълумотни иккита информатори тасдиқлаганини маълум қилган. Демак, Galaxy Fold июль ойида бозорга чиқарилиши ҳақиқатга ўхшаяпти.
Қайд этиб ўтиш ўринлики, Samsung ушбу инқилобий қурилмасини асосий рақиби – Huawei Mate X гаджетидан 2-3 ой аввал сотувга чиқариб устунликка эришмоқчи эди. Бироқ унинг экранидаги муаммолар сабабли қайтариб олингач, энди бу икки гигантнинг буклама смартфонлари тахминан бир хил вақтларда бозор юзини кўрадиган бўляпти.
ЎҚИНГ: Samsung энг антиқа дизайнли смартфонни тайёрлаяпти, лекин бу Galaxy Fold ёки Galaxy Note 10 эмас!
