Иккита саргузашт ўйинни 18 майгача бепул ўйнашингиз мумкин!
Коронавирус пандемияси даврида турли ўйин студиялари ва дўконлари ўз товарларини бепул тарқатишмоқда. Epic Games эса Metacritic агрегаторига кўра охирги ўн йилликнинг энг яхши ўйинларининг иккита рейтингга ҳам кирган Grand Theft Auto 5’ни текингаберяпти!
ЎҚИНГ: Google Play’дан нақ 16 та ўйинни бепул олишга улгуринг! (тайёр ҳаволалар)
Steam сервиси ҳам дам олиш кунларида иккита – Conan Exiles ҳамда Fallout 76 ўйинларини геймерларга вақтинча бепул тақдим этяпти.
Conan Exiles – саргузаштли MMORPG-симулятор бўлиб, Конан-варвар дунёсида яшаб қолиш талаб этилади. 18 майгача уни текинга ўйнаш учун мазкур ҳавола орқали ўтасиз. Шунингдек, 25 май санасигача мазкур ўйиннинг қўшимчалари учун чегирмалар эълон қилинган.
Steam ушбу дам олиш кунлари Fallout 76 ўйинини ҳам бепул ўйнаш имконини бераётир. Унинг ҳам бепуллик даври 18 май куни тугайди, шунгача ўйнаб қолиш учун мана бу ҳавола орқали тегишли саҳифага ўтасиз. Кейин эса, 21 майгача уни 25 фоизлик чегирма билан ўйнашда давом этиш мумкин бўлади.
