Илғор MIUI 10’гача янгиланувчи Xiaomi смартфон ва планшетлари рўйхати

Илғор MIUI 10’гача янгиланувчи Xiaomi смартфон ва планшетлари рўйхати

Xiaomi корпорацияси ўзининг мобил алоқа қурилмалари учун Android операцион тизимининг MIUI 10 график қобиғини намойиш қилишига саноқли кунлар қолди. Унда «хитойча айфон»лар соҳиблари учун бир қатор янги имкониятлар тақдим этилади.

ЎҚИНГ: Xiaomi ўз смартфонлари учун MIUI 10 талқинининг тақдимот санасини айтди

Яқинда ишончли манбаларнинг хабар қилишларича, Xiaomi ўзининг сўнгги тўрт йилда тақдим этилган смартфон ва планшетлари учун MIUI 10 прошивкасини тарқатади. Унда интерфейси соддалаштирилиши, ташқи кўриниш яхшиланиши кутилаётир. Янги талқиндаги прошивкалар қурилмаларнинг ишлаш тезкорлигини ҳам ошириши кўзда тутилган.

Булардан ташқари, MIUI 10 талқини тўлдирилган борлиқ технологиясини ҳам қўллаб-қувватлайдиган бўлади. Xiaomi компаниясининг янги моделлардаги айрим смартфонларига «сунъий онг» тизими жорий этилаётганини ҳисобга олсак, корпорация янги операцион тизим график қобиғида буни ҳам назарда тутиши аниқ.

Айтиш керакки, интернетга аллақачон MIUI 10 тизимида ишлаётган смартфоннинг «жонли» видео ва суратлари ҳам чиқиб улгурган.

ЎҚИНГ: Xiaomi смартфонлари учун қойилмақом MIUI 10 деярли тайёр! («жонли» видео)

Инсайдерлар берган маълумотларга кўра, MIUI 10 талқинидаги прошивкани қабул қилувчи Xiaomi смартфонлари ва планшетлари орасида ҳозирча расман тақдим этилмаган моделлар ҳам мавжуд. Уларнинг тўлиқ рўйхати қуйидагича:

1. Mi Mix 2
2. Mi Mix
3. Mi Mix 2S
4. Mi 7
5. Mi 6X
6. Mi 6
7. Mi 5S Plus
8. Mi 5S
9. Mi 5
10. Mi 5X
11. Mi 4S
12. Mi 4C
13. Mi 4
14. Mi 3
15. Mi Note 3
16. Mi Note 2
17. Mi Max 2
18. Mi Max Prime
19. Mi Max
20. Redmi Note 5A
21. Redmi Note 4X
22. Redmi Note 4
23. Redmi Note 3
24. Redmi Note 3 Pro/Prime
25. Redmi Note 2
26. Redmi Note 4G Prime
27. Redmi 5
28. Redmi 5 Plus
29. Redmi 5A
30. Redmi Y1
31. Redmi Y1 Lite
32. Redmi 4
33. Redmi 4X
34. Redmi 4 Prime
35. Redmi 4
36. Redmi 4A
37. Redmi Pro
38. Redmi 3S Prime
39. Redmi 3S
40. Redmi 3
41. Redmi 3X
42. Mi Pad
43. Mi Pad 2
44. Mi Pad 3

Таъкидлаш керакки, ушбу Xiaomi смартфонларининг моделига боғлиқ ҳолда, улар учун тақдим этилувчи MIUI 10 прошивкалари турли талқиндаги Android операцион тизимларига асосланган бўлади. Шундан келиб чиққан ҳолда, ҳар бир моделдаги смартфон учун тақдим этиладиган MIUI 10 имкониятлари ва функциялари ҳам унинг «ўзаги»ни ташкил этувчи Android талқинига боғлиқ бўлади.

MIUI 10 тақдимоти Хитойнинг Шеньчжень шаҳрида ташкиллаштириладиган матбуот анжумани доирасида бўлиб ўтади. Ушбу тадбирда Xiaomi яна биратўла иккита – Mi 7 ва Mi 8 русумли флагман смартфонларини, шунингдек, Mi Band 3 смарт-билагузугини ҳам намойиш этмоқчи.

ЎҚИНГ: Xiaomi бирйўла иккита – Mi 7 ҳамда Mi 8 флагманларини тайёрлабди, уларнинг олд панелини «жонли» томоша қиламиз!