Илғор MIUI 9'да ишлайдиган 27 та "Xiaomi" бир рўйхатда
Жорий йилнинг 26 июлида Xiaomi компанияси илғор Android Nougat 7.0'нинг ўзлаштирилган MIUI 9 прошивкасини тақдим қилган эди.
Маълумот оқимини режалаштириш ва процессордаги юклаб олишларни "ақлли тақсимлаш" механизмининг оптималлашуви натижасида бу тизим смартфонга янада тезкор ишлаш имконини беради.
MIUI'нинг янги авлоди хотирани автоматик равишда тозалайди ва кэшни бошқаради, фрагментацияга қарши реал вақт режимида курашади, шунингдек унда ахборотни ҳимоялаш, симсиз уланиш технологияси мустаҳкамланган.
Шунингдек, MIUI 9'да бир вақтнинг ўзида 2 та иловадан фойдаланиш мумкин. Дейлик, сиз бирор мессенжердан муайян манзилни оласиз. Шу вақтда сизга "Харита" иловасини очиш имкони берилади.
MIUI 9'даги яна бир кутилган функция -- "кўп ойнали" режим бўлди. Унинг ёрдамида экранни 2 га бўлиб, бир вақтнинг ўзида 2 тадан зиёд иловадан фойдаланиш мумкин.
Xiaomi компанияси бренднинг аксарият смартфонлари, жумладан Redmi 1 ва Xiaomi Mi 2 ҳам бу илғор жиҳатларга эга бўлади ва бу борада компания изланишлар олиб бормоқда. Кеча эса Xiaomi компанияси MIUI 9'нинг Xiaomi Redmi Note 3, Redmi Note 2 ҳамда Mi 3 моделлари учун талқини ишлаб чиқилаётгани тўғрисида маълумот берди.
Шу билан бирга, Xiaomi'нинг маълум қилишича, бугунги кун ҳолатида қуйидаги 27 та модел: Mi 6, Mi Mix 2, Mi Mix, Mi Note 3, Mi Note 2, Mi 5, Mi 5X, Mi 5C, Mi 5S, Mi 5S Plus, Mi Max 2, Mi Max, Mi 4C, Mi 4S, Redmi Note 5A, Redmi Note 4, Redmi Note 4X, Redmi Note 3, Redmi Note 3, Redmi Note 2, Redmi 5, Redmi 5 Plus, Redmi 5A, Redmi 4, Redmi 4X, Redmi 3, Redmi 2 MIUI 9 операцион тизимида фаолият кўрсатиши мумкин.
MIUI 9'ни смартфоннинг прошивка функцияси (updater) ёки MIUI форумидан юклаб олиш мумкин.
