Илғор MIUI X тизимига эга бўладиган Xiaomi'лар маълум бўлди

Илғор MIUI X тизимига эга бўладиган Xiaomi'лар маълум бўлди

Бир неча кун аввал Xiaomi компаниясига алоқадор расмий манба компаниянинг ўз смартфонларига мўлжалланган янги операцион тизим устида иш олиб бораётгани хусусида маълумот берган эди. Android 8.1 Oreo тизимига асосланган янги прошивка MIUI 10 ёки MIUI X деб ном олган. Ҳозирча дастурчи ҳамда дизайнерлар унинг устида қизғин иш олиб боришмоқда.

MIUI тизимининг янги талқини бекорга жадаллик билан ишлаб чиқилаётгани йўқ. Зеро, Xiaomi жаҳон смартфон бозорини забт этишга жиддий чоғланган. Маълумотларга кўра, янги тизимда бренднинг барча хизматлари инглиз ва бир нечта бошқа халқаро тилларда ҳам тақдим қилинади. Шу билан бирга, янги операцион тизим смартфонларнинг ишлаш тезкорлиги, куч-қувватнинг узоққа етиши ҳамда хавфсизлик тизимларини такомиллаштиради.

Weibo ижтимоий тармоғида ёзилишича, Android 8.1 Oreo'га асосланган MIUI 10 ёки MIUI X операцион тизими шу ойда тақдим қилинади ва жорий йилнинг августида фойдаланиш учун оммавий эълон қилинади. Сентябрдан бошлаб эса смартфонларни унга янгилаш мумкин бўлади.

Xiaomi компанияси барча смартфонларини мазкур илғор тизимга янгилаш режасида юрибди. Жумладан, техник жиҳатдан 32 разрядли ва ундан юқори чипларга эга барча смартфонлар янги тизимга эга бўладилар. Мисол учун, хитойлик бренд яқиндагина ўзининг 40 нафар моделини MIUI 9 тизимига янгилаган эди.

Аниқ маълумотларга кўра, Mi 2, Mi 2S, Mi Note, Mi 4i, Redmi Note 4G, Redmi 2 ҳамда Redmi 2 Price смартфон моделларидан ташқари барча мобил алоқа воситалари MIUI X операцион тизимига эга бўлади.

Сайт янгиликларидан доимий хабардор бўлиш учун Телеграм каналимизга қўшилинг!