Илғор смартфонларда олинган суратларни таққосланг

Илғор смартфонларда олинган суратларни таққосланг

iPhone 6s Plus, Samsung GALAXY Note 5, Sony Xperia Z5, LG V10 ҳамда Google Nexus 6P бугунги кундаги флагман смартфонлар орасида энг яхши суратга олишда бир-бири билан рақобат қилади. Қуйида ҳавола қилинаётган, мазкур девайсларда олинган суратларнинг сифатини таққослаш учун Canon 5d Mark II фотокамерасида олинган сурат ҳам илова қилинган.

Биринчи манзара
Қуёш ботар маҳалида олинган шаҳар манзараси. Бунда смарфтон камераларининг сюжетдаги рангларнинг табиий тусини акс эттириш қобилияти синовдан ўтказилди. Бунда Samsung GALAXY Note 5 смартфонида олинган сурат “энг яхши” деб топилган. Унда олинган суратларда манзаранинг ранглари деярли аслича сақланиб қолган.

Samsung GALAXY Note 5'да олинган суратSamsung GALAXY Note 5’да олинган сурат

Smarfon kameralari

Иккинчи манзара
Навбатдаги манзара кечга яқин олинган ва улар қуёш нурлари тўғридан-тўғри тушмаган шароитида олинган ва смарфтон камераларининг нурсиз вазиятда олиш кўникмасини синовдан ўтказган. Бу смартфонлар учун янада мураккаб вазият. Боиси сурат деталларининг аниқ-равшан акс этиши оқ тус омилини автоматик созлаш функциясига боғлиқ. Бу йўналишда ҳам Samsung GALAXY Note 5 фаблетида олинган сурат мутлоқ етакчилик қилди.

Samsung GALAXY Note 5 смартфонида олинган сурат

Samsung GALAXY Note 5 смартфонида олинган сурат

smartfon kameralari

Учинчи манзара

Навбатдаги сурат уй шароитида ёки ички муҳитда олинган. Бунда смартфон камераларининг фоточақноғидан фойдаланилмаган. Бунда камералар ички шароитнинг оқ ранг тусини ҳамда инсон қиёфасидаги деталларни автоматик аниқлаб, акс эттиришлари керак бўлган. Шу билан бирга, бунда ISO, яъни камеранинг ёруғликни сезувчанлик қобилияти ҳам синовдан ўтади. Бу йўналишда ҳам Samsung GALAXY Note 5 смартфонининг камераси олган сурат тнгсиз деб топилган. Айниқса, суратда инсон терисининг ранг-туси табиий акс этгани ҳайратланарли.

Samsung GALAXY Note 5 смартфонида олинган сурат.

Samsung GALAXY Note 5 смартфонида олинган сурат.

smartfon kameralari

Тўртинчи манзара
Мазкур йўналишда смартфон камераларининг манзарани яқиндан суратга олиш, кичик ўзига хосликларни ҳам намоён этиш имконияти синаб кўрилган. Қуйидаги суратда акс этган ширинликни яқиндан олганда смартфонларнинг орасида iPhone 6S олган сурат деталларга бой ва аниқ-равшанлиги билан ажралиб турди.

iPhone 6S смартфонида олинган сурат

iPhone 6S смартфонида олинган сурат

smartfon kameralari

Бешинчи манзара
HDR, яъни юқори динамик диапозонда суратга олиш қобилияти камеранинг энг муҳим томонларидан бири. У камерага булутли об-ҳаво шароитида ҳам сурат олиш имконини беради. Бундай шароитда смарфтон камералари олган суратлар турлича бўлди. Яққол етакчи смартфон камерасини аниқлаш қийин бўлса-да, айтиш мумкинки, Huawei Nexus смартфонининг камераси олган суратлар нисбатан деталларга бой.

05

Huawei Nexus смартфонида олинган сурат

Олтинчи манзара
Танловнинг олтинчи босқичида смартфон камераларининг тунги шароитда суратга олиш кўникмалари таққослаб кўрилди. Табиийки, бу мобиль алоқа воситаларининг камераси учун энг қийин ва муҳим имтиҳон. Унда камералар тунги хираликларни аниқ-равшан акс эттириши, ёруғлик балансини автомат созлаши керак бўлади. Мазкур йўналишда ғолиблик яна Samsung GALAXY Note 5 гаджетига насиб этди.

Samsung GALAXY Note 5 смартфонида олинган сурат

Samsung GALAXY Note 5 смартфонида олинган сурат

006

Натижа

Суратларни қиёслаш, хулоса ва таҳлил, фойдаланувчилар фикрларига асосланиб, чиқарилган натижага кўра, энг яхши сурат олувчи флагман мусобақасида Samsung GALAXY Note 5 энг юқори ўринни қўлга киритган. Кейинги ўрин LG V10 смартфонига, учинчи ўрин Apple iPhone 6S Plus фаблетига, тўртинчи ўрин Sony Xperia Z5 смартфонига, сўнгги, яъни олтинчи ўрин Google Nexus 6P гаджетига насиб этган.

Аҳамиятли жиҳати шундаки, ушбу таққослашда ғолиб бўлган  Samsung GALAXY Note 5 смартфонида олинган суратлар эталон сифатида олинган Canon 5d Mark II олган тасвирлар сифати билан деярли бир хил.

Манбаа: Hi-Tech-Mail.Ru

 

 

Сайтимизнинг энг чиройли расмларини Инстаграмдаги саҳифамизда томоша қилинг!