Илк буклама смартфон: шунчаки қиммат эмас – “супер” қиммат
Худди китобга ўхшатиб очиб, ёпиб қўядиган буклама смартфон ҳақидаги анчадан буён гап-сўз юради. Сўнгги маълумотларга қараганда, бундай қурилмаларни ишлаб чиқарадиган энг биринчи компания Samsung бўладиганга ўхшайди. Мазкур модель Galaxy X, деб аталади ва у нафақат қиммат, балки “супер” қиммат бўлиши кутилмоқда.
ЎҚИНГ: Galaxy S9 ва S9+ савдосида муаммолар кузатилмоқда
Таҳлилчиларнинг сўзларига қараганда, қиммат смартфоннинг нархи ҳозирги флагманлардан иккитасининг нархида бўлади. Golden Bridge Investment компанияси вакилларининг ҳисоб-китобига кўра, буклама смартфоннинг баҳоси 1850 доллар атрофида. Масалан, Galaxy S9 — 720 доллар, Galaxy S9+ — 840 доллар.
Қимматлилигини ҳисобга оладиган бўлсак, демак смартфон чекланган нусхада чиқарилса керак.
ЎҚИНГ: Samsung Galaxy Note 9 аккумулятори янада кучли бўлади
Миш-мишларга қараганда, Galaxy X келаси йил февраль ойи охирида ўтказилиши мўлжалланган Mobile World Congress 2019 кўргазмасида намойиш этилади.