Илон Маск илк тезюрар поезд вакуумли туннели – Hyperloop’нинг ишга туширилиш санасини айтди
Тадбиркор ва ихтирочи Илон Маск бир нечта оламшумул лойиҳалар устида ишлаётгани ҳақида кўп хабарлар берганмиз. Жумладан, дунёдаги биринчи тезкор поезд учун Hyperloop вакуумли туннели ҳам эътиборга лойиқ.
ЎҚИНГ: Илон Маскнинг фантастик поезди — Hyperloop’нинг илк синови бўлиб ўтди
Илон Маск ўзининг Twitter-аккаунти орқали эълон қилишича, биринчи Hyperloop туннелини жорий йилнинг 10 декабрида ишга туширилади:
The first tunnel is almost done
— Elon Musk (@elonmusk) 22 октября 2018 г.
Синов туннели Калифорния штатидаги Хоторн шаҳрида, SpaceX ракетасозлик компанияси ҳудудида жойлашган. Маскнинг сўзларига қараганда, янги авлод транспорт воситаси «деярли тайёр» экан.
ЎҚИНГ: Hyperloop – тезюрар транспорт оламидаги инқилоб
Туннелнинг очилиши шарафига байрамона тадбир ўтказилади, кейинги куни эса барча истовчилар вакуумли туннелда тезкор поезд-капсулада бепул учиб кўришлари мумкин бўлади.
Вакуум туннелларини ишлаб чиқиш билан шуғулланувчи Hyperloop One компанияси ўтган йили Лас-Вегас яқинида илк тўлақонли синовини ўтказган эди. Ўшанда ичида одамлари бўлган йўловчи капсуласи соатига 113 километрлик тезликда ҳаракатланган. Айрим прототиплар тезлиги эса соатига 310 километргача борган.
ЎҚИНГ: Қуёш тизимидаги сайёраларга қанча вақтда етиб борсак бўлади?
