Илон Маск ўзига душманлик қилди – битта твит билан Tesla акциялари нархини тушириб юборди!
Куни кеча – 1 май куни Илон Маск негадир Twitter тармоғида ғалати пост эълон қилди. Шундан сўнг Tesla компания акцияларининг нархлари кескин тушиб кетди.
ЎҚИНГ: «Ўқ ўтмас» Cybertruck’нинг тақдимотида Tesla айтмаган жиҳати фош бўлди!
Компания асосчисининг твитига кўра, Tesla акцияларининг нархлари ўта юқори эмиш:
Tesla stock price is too high imo
— Elon Musk (@elonmusk) May 1, 2020
Мана шу твитдан кейиноқ Tesla қимматбаҳо қоғозлари нархи 11 фоизга пасайиб кетди – бир донаси 695 долларгача тушди. The Wall Street Journal нашри ходимларининг «Бу твит ҳазил эдими?» деган саволига Маск: «Йўқ», деб жавоб берган.
Айтиш керакки, 29 апрель куни Tesla кетма-кет учинчи чоракдан молиявий муваффақият билан чиққанини эълон қилган эди. Илон Маскнинг бу ишидан кейин компаниянинг ўсишига путур етиши мумкин.