Илон Маск Tesla акциясини ўзи сотиб оладиган бўлди
Tesla бош директори Илон Маск ўз компаниясининг акциясини 20 миллион долларга сотиб олишни режалаштирмоқда. Ушбу режа Tesla компанияси ва Илон Маск ўртасидаги суд қарори чиққандан кейин эълон қилинди. Улар АҚШнинг биржалар ва қимматли қоғозлар бўйича Комиссиясига 40 миллион долларлик жарима тўлаши керак.
Илон Маск Tesla акциясини айнан қачон сотиб олиши ҳозирча номаълум. Business Insider’нинг хабар беришича, компания бу ҳақда изоҳ бермайди. Ҳозирда Илон Маск 20 фоизлик қимматли қоғозлари билан компаниянинг асосий акциядори ҳисобланади. Tesla’нинг битта акцияси тахминан 280 доллар, шундай экан, бизнесмен 71428 акцияни сотиб олиши мумкин.
ЎҚИНГ:Илон Маск ўзининг электр самолёти концептини ойдинлаштирди
АҚШ қимматли қоғозлар бўйича Комиссиясининг Илон Маскга эътиборини қаратишига, унинг «твиттерда» Tesla’ни хусусий компания қилмоқчи экани ҳақда баёнот бергани сабаб бўлди. Комисия Илон Маскнинг ушбу баёнотини акция нархи билан манипуляция қилиш, деб ҳисоблади. Шу боис у ва компания катта жарима тўлайдиган бўлишди. Бундан ташқари, Маск энди уч йил мобайнида компаниянинг директорлар кенгаши раиси ҳам бўла олмайди.
ЎҚИНГ:Илон Маск катталар учун ҳам Tesla’нинг митти нусхасини тақдим этмоқчи
