Илон Маск Twitter'ни сотиб олиш учун сўнгги қадамни ташламоқда
Илон Маск ўзининг Тwиттер'ни сотиб олишда молиявий ёрдамлашадиган ҳамкор-инвесторларини ижтимоий тармоқ компанияси билан келишувни жума кунигача ёпишни режалаштираётгани ҳақида маълум қилди, дея хабар бермоқда Reuters ушбу масаладан хабардор одам берган маълумотларга асосланиб. Шунингдек, Bloomberg нашрининг қўшимча қилишича, миллиардер душанба куни банкирлар билан видео конференсия ўтказган ва унда Twitter масаласини жумагача ҳал қилишни ваъда қилган.
Маълум бўлишича, Twitter келишувининг 13 миллиард долларини тўлаб берадиган банклар ушбу маблағ шартномасини тузишни тугатганлар ва улар ҳозирда ҳужжатларни имзолаш босқичида. Шунингдек, акциядорлар: Sequoia Capital, Binance, Qatar Investment Authority ва бошқалар Маск адвокатларидан молиялаштиришга оид зарур ҳужжатларни олишган ҳам.
Reuters'га кўра, Маскнинг бу ҳаракати Делавер судининг жума кунигача битимни якунлаш муддатига риоя қилаётганининг аниқ белгисидир.
ЎҚИНГ: Эд Шираннинг ҳали чиқарилмаган қўшиқларини ўғирлаган хакерга ҳукм ўқилди
