Инҳа университети талабалари Huawei’га ишга жойлашишлари мумкин

Huawei Tech Investment Tashkent компаниясининг бош ижрочи директори Ван Пэн бошчилигидаги делегация компания тақдимотини ўтказиш ва ишга жойлаштириш имкониятини кўриб чиқиш учун Тошкент шаҳридаги Инҳа университетига ташриф буюрди. Бу хусусда университет сайти хабар бермоқда.

ЎҚИНГ: Инҳа университети талабалари компанияларда амалиёт бошлади

Шунингдек, делегация таркибидан Хитой компаниясининг турли фаолиятлари учун масъул бўлган Huawei Tech Investment Tashkent менежерлари ҳам ўрин олган эди, дейилади хабарда.

Тадбирни очар экан, жаноб Ван Пэн Тошкент шаҳридаги Инҳа университетига бир неча бор ташриф буюрганлигини, аммо биринчи маротаба университет талабалари билан учрашаётганини таъкидлади.

Huawei Tech Investment Tashkent компаниясининг раҳбари ташкил этилган учрашув учун миннатдорлик билдириб, ахборот технологиялари ва телекоммуникациялари бозорининг асосий иштирокчиларидан бири бўлган Huawei компаниясининг тарихи ва фаолияти ҳақида сўзлаб берди.

Шунингдек, у Huawei компаниясининг Ўзбекистондаги телекоммуникация лойиҳаларини амалга оширишдаги иштирокига тўхталиб ўтди. Huawei Tech Investment Tashkent вакиллари IUT талабаларига Хитой компаниясига ишга жойлашиш имкониятлари тўғрисида гапириб беришди.

ЎҚИНГ: Кореядан ўзбекистонлик 99 талаба диплом билан қайтмоқда