Инновацион компаниялар рейтингида Apple’нинг ўрни маълум бўлди

Инновацион компаниялар рейтингида Apple’нинг ўрни маълум бўлди

Apple корпорацияси MIT Technology Review журнали талқинига кўра, жаҳоннинг энг инновацион компаниялари рейтингида 16-ўринни эгаллади. Бу рейтингда видео-карта ва процессорлар ишлаб чиқарувчи nVidia компанияси етакчиликни қўлга киритган.

Тадқиқот мобайнида мутахассислар жаҳоннинг 100 дан зиёд компанияларининг инновацион ишланма ва лойиҳаларини, янги ғояларни амалга ошириш учун саъй-ҳаракатларини, брендларнинг жаҳон ривожига қўшаётган ҳиссаларини ўрганишди.

Картинки по запросу nVidia

nVidia компанияси 2015 йилдан бошлаб мазкур рейтингга кирган ва бу йил биратўла 11 поғона юқорилаб, пешқадамликни қўлга киритишга муваффақ бўлган. Бунда компания томонидан ривожлантирилаётган сунъий ақл технологияси муҳим ўрин эгаллаган. Тадқиқот муаллифларининг сўзларига кўра, сўнгги молиявий чоракда компаниянинг маълумотларни қайта ишлаш ва автомобил бизнесидан оладиган даромади 186% га ошган. Шунингдек, компания 7-авлод видео-картасини ишлаб чиқариш учун $3 млрд доллар сарфлаган.

2-ўнталикдан ўрин эгаллаган Apple технология оламида рақиблари бўлмиш Alphabet, Amazon ва Intel каби нуфузли брендлардан орқада қолган. Рейтингда, Apple ўзининг HomePad “ақлли” акустик тизими орқали Amazon компаниясидан орқада қолаётгани қайд этилган.

“Янги инновацион маҳсулотларнинг йўқлиги ва мижозларнинг компаниянинг Apple Pay ва Apple Watch ишланмаларига нисбатан совуққон муносабати боис, Apple HomePod “ақлли” қурилмасини Amazon Echo девайсига қарши сотувга чиқарди. Компания, шунингдек “сунъий ақл” ва инновацион авто-тизимлар ишлаб чиқариш бўйича ҳам лойиҳалар қилмоқда”, дейилади ҳисоботда.

Похожее изображение

Рейтингда 2-ўринни 2011 йилдан буён шу ўринни банд қилиб келаётган SpaceX компанияси эгаллаган. Компания жорий йилда бир ракетани самога 2 марта парвозга чиқариб, уни яна Ерга хавфсиз қайта қўндириш мумкинлигини, бу эса самовий парвозлар харажатини бир неча мартага арзонлаштиришини амалий тажрибалари билан исботлади. SpaceX’нинг рейтингдаги пешқадамлиги айнан шу билан изоҳланган.

Жаҳоннинг энг илғор компаниялари қаторида кучли учликни Amazon якунлаган. Шунингдек, пешқадам “10 лик”ка 23andMe, Alphabet, iFlytek, Kite Pharma, Tencent, Regeneron ҳамда Spark Therapeutics компаниялари киритилган.

Apple мухлислари бу тадқиқот ишининг ҳомийси “Олма”ни кўришга кўзи йўқ Qualcomm компанияси эканини айтиб, ўзларига таскин беришмоқда.

Хабарларни тез ва осон ўқиш учун Андроид иловамизни сақлаб олинг.