Беш модулли инқилобий камерали Nokia 9 ғилофининг суратлари чиқди!

  •   DiMaX
  •  770
  •  20.11.2018 14:02

Беш модулли инқилобий камерали Nokia 9 ғилофининг суратлари чиқди!

HMD Global компанияси 5 декабрь куни Дубайда тақдимот тадбири ўтказишини эълон қилган. Унда учта моделдаги смартфонларини намойиш этиши кутилмоқда.

ЎҚИНГ: Дубай, 5 декабрь: Nokia бирйўла учта смартфон тақдим этади!

Шунингдек, компания ушбу бренднинг анчадан буён кутилаётган флагмани – Nokia 9 PureView ҳақида ҳам маълумотлар чиқиб келаётир. Жумладан, куни кеча унинг заводдаги чизмалари асосида тайёрланган ғилофи сурати интернетда тарқалди.

Смартфон корпусининг пастки қиррасида жой оладиган USB-C порти ва унинг ёнидаги динамиклар учун ғилофда тирқишлар мавжуд.

ЎҚИНГ: Атиги 24 долларлик, аммо қуввати нақ уч ҳафтага етувчи Nokia 106 тақдим этилди!

Шунингдек, орқа панелда доирасимон шаклда жойлашган еттита тешик бор: булардан бири фоточақноқ учун, яна бири PDAF-лазер учун, қолган бештаси эса бош камеранинг бешта сенсори учун очилган.

Nokia 9 PureView келаси йилнинг февралида расман намойиш қилиниши, бунинг учун алоҳида маросим уюштирилиши кутилмоқда. Terashop.uz интернет-дўконимизда эса мазкур бренднинг иккита телефони савдога қўйилган. Сариқ корпусли «бананафон» – Nokia 3310 (2017) девайсини атиги 529 000 сўмэвазига харид қилиш, қора тусли «ғишт» телефон – Nokia 8110 4G 2018 моделини эса 759 000 сўмга сотиб олиш имкони бор.

ЎҚИНГ: «Малика»даги дўконлар ишламаяпти – нима гап ўзи?

Хабарларни тез ва осон ўқиш учун Андроид иловамизни сақлаб олинг.