Instagram 7 хил янги хабар алишиш функцияларини қўшди

Instagram 7 хил янги хабар алишиш функцияларини қўшди

Instagram сўнгги янгиланишда ўзининг хабарлар алишиш хусусияти имкониятларини янада кегайтирди. Эндиликда фойдаланувчилар лентада бўлган вақтларида келган DM (direct message) хабарларига чатга ўтмасдан туриб, лентанинг ўзида жавоб қайтара оладилар.

Шунингдек, "дўстларга тезкор улашиш" функцияси ҳам қўшилган бўлиб, бунда сиз постлар остидаги улашиш тугмасини босиб, бир неча сония ушлаб турсангиз дўстларингиз профилларини кўрасиз ва улардан бирини танлаб, постни уларга тезроқ жўната оласиз. Шу билан бирга эндиликда хабарлар бўлимига ўтганингизда реал вақтда кимлар онлайн эканлигини энг юқорида кўришингиз мумкин бўлади.

Apple Music, Amazon Music ва Spotify билан интеграциялашган ҳолда, энди фойдаланувчилар чатларда қўшиқларнинг 30 сониялик превюсини улашишлари ва эшитишлари мумкин бўлади.

Дўстларингизни тунда ёки банд бўлганларида безовта қилмасдан хабарларни жимгина юбориш имконияти ҳам яратилган. Бунинг учун хабарларингизни юборишдан олдин уларга @silent буйруғини киритиш кифоя. Ло-фи чат мавзуси ва сўровнома яратиш функциялари ҳам ижтимоий тармоқ учун янгиланишда бирга келади.

Ушбу ўзгаришлар ҳозирча маълум бир мамлакатларда чиқарилган ва улар тез орада глобал тарқатилади.

ЎҚИНГ: Apple iOS 15.4.1 янгиланишини чиқарди

Сайтимизнинг энг чиройли расмларини Инстаграмдаги саҳифамизда томоша қилинг!