Instagram’да янги имконият: энди кераксиз обуначиларни блоклаш шартмас!

  •   DiMaX
  •  910
  •  21.07.2018 16:31

Instagram’да янги имконият: энди кераксиз обуначиларни блоклаш шартмас!

Асосан сурат ва видеолавҳалар улашиладиган Instagram сервисининг iOS ҳамда Android учун ишлаб чиқилган иловаларида янги функция пайдо бўлди. Энди фойдаланувчи ўз аккаунтига обуна бўлиб қўйган бошқа аъзонинг обунасини бекор қилиши мумкин.

ЎҚИНГ: Ҳар қандай смартфонда бемалол ишлай оладиган Instagram Lite чиқди!

Илгарилари Instagram’да кераксиз обуначидан қутулишнинг ягона йўли – унинг аккаунтини блоклаш эди. Бунда блокланган юзер блоклаган фойдаланувчининг аккаунтини умуман кўра олмасди.

Энди эса унинг фақат обунасигина бекор қилинади. Гарчи обунаси бекор қилинган эса-да, ўша фойдаланувчи яна бу Instagram-профилни кўриши ва ҳатто фотосурат ва видеоларига баҳолар қўйиши ҳам мумкин. Фақат унга яна обуна бўлолмайди ва изоҳ ёзолмайди.

Google Play ҳамда App Store каталогларида Instagram иловаси ҳали куни кеча янгиланди, аммо у барчага тезда етиб бормайди. Мазкур иловани янгилаш (ёки ўрнатиб олиш) учун Android-гаджетлар эгалари мана бу, iOS-девайслар соҳиблари эса мана бу ҳаволалар орқали ўтишлари мумкин.

ЎҚИНГ: Актриса ва хонандаларимиз Instagram’да қанчалик фаол?

Terabayt.uz сайтининг видеолари: Youtube'даги каналимизда!