Instagram компьютердан пост эълон қилиш функциясини синовдан ўтказмоқда
Instagram десктоп орқали постлар яратиш ва уларни тармоққа жойлаш функциясини синовдан ўтказишни бошлади. Ушбу функцияни ижтимоий тармоқ консультанти Матт Наварра пайқаб қолган ва скриншотларни Twitter'да эълон қилган.
ЎҚИНГ: «Мен билан уришиш учун сенга ҳали анча бор!» – икки ўзбек боксчиси Instagram’да «жанг» қилди
Фойдаланувчилар десктопда фотолар уларнинг Янгиликлар Лентасида қандай акс этишини худди мобил қурилмалардаги каби бошқара олади.
Баъзи фойдаланувчиларда Plus тугмаси пайдо бўлади. Бу ердан ҳозирча фақатгина постлар эълон қилиш имкони мавжуд бўлади. Айни дамда сторис ва роликларни эълон қилиш имкони мавжуд эмас. Эълон қилмоқчи бўлган расмингизни танлаганингиздан сўнг, уни қирқиш, фильтрлар билан таҳрирлаш ва бошқа кўплаб амалларни бажариш мумкин бўлади.
Расм эълон қилиш учун тайёр ҳолга келгач, энг сўнгги панелда унга изоҳ, локация, қўшиш; одамларни белгилаш ҳамда бошқа қатор илғор созламалар, маласан, комментарияларни ўчириб қўйиш, лайк ва кўришлар сонини яшириш, улашиш опцияларини танлаш имкони бўлади.
ЎҚИНГ: Instagram'да энг кўп фолловерга эга аккаунтлар ТОП 20 талиги билан танишинг
