Instagram яна икки иловасини App Store ва Play Store'дан олиб ташлади

Instagram яна икки иловасини App Store ва Play Store'дан олиб ташлади

Ўтган ой охирида Instagram ўзининг 2018 йилда тақдим қилган YouTube рақобатчиси, IGTV иловасини қўллаб-қувватлашни тўхтатаётганлигини эълон қилган эди. Унинг ўрнига Instagram энди видеоларни асосий иловада сақлашини ва TikTok рақобатчиси бўлган Reels'га эътибор қаратишини айтган. 

Маълум бўлишича, IGTV билан бирга 2014 йилда биринчи марта ишга туширилган Hyperlapse ва 2015 йилда ишга туширилган Boomerang видео иловалари ҳам Google Play Store ва App Store иловалар дўконларидан олиб ташланган. 1 март куни иккала илованинг сўнгги куни бўлган. 

"Сай-ҳаракатларимизни асосий иловага йўналтириш учун мустақил Boomerang ва Hyperlapse иловаларини қўллаб-қувватлашни тўхтатдик. Boomerang ҳали ҳам илова ичида Stories'да қўллаб-қувватланади. Layout эса иловалар дўконида мустақил илова бўлиб қолади. Биз одамларнинг Instagram'да ижодкор бўлишлари ва дам олишлари учун янги усуллар устида ишлашда давом этамиз.", деган Instagram матбуот котиби Кристин Пай The Verge нашрига берган баёнотида. 

Иккала иловадан Boomerang иловасини юклаб олганлар сони кўпроқ эди. TechCrunch'нинг Apptopia маълумотлари шуни кўрсатадики, Boomerang ўз даври мобайнида 301 миллион марта глобал юклаб олинган. Hyperlapse эса атиги 23 миллион марта юклаб олинган, чунки Hyperlapse фақат iOS'да мавжуд эди. 

ЎҚИНГ: Халқаро Мобил Конгресс 2022 тадбирда қандай смартфонлар тақдим этилди? 

Terabayt.uz сайтининг видеолари: Youtube'даги каналимизда!