Instagram'да пул топишнинг янгича йўли пайдо бўлди

Instagram'да пул топишнинг янгича йўли пайдо бўлди

Instagram раҳбари Адам Моссери контент яратувчилари учун янги хусусият ишга туширилганлигини эълон қилди. Ушбу функция ижодкорларга ўзларининг 0.99 доллардан 99 долларгача бўлган нархдаги пуллик обуналарини яратиш имконини беради. Пуллик обуна эгалари эса инстаблогернинг эксклюзив Stories, жонли эфир ва постларини кўриши мумкин бўлади. Моссерининг айтишича, эксклюзив постлар жойлаш хусусияти ижодкорлар томонидан энг кўп талаб қилингани бўлган.

Пуллик обуна эгалари ижодкор саҳифасидан унга обуна бўлишлари мумкин ва у ердаги "subscriber home" ёрлиғи орқали фақат эксклюзив постларни саралаб олсалар бўлади. Оддий обуначилар эса эксклюзив постларни контент яратувчининг обунасига пул тўламагунларига қадар кўра олишмайди.

Ижодкорлар ўзларининг пуллик обуначиларини уларнинг исми ёнидаги бинафшаранг тожли белги орқали таниб олишлари мумкин. Эксклюзив Stories, Live ва постлардан ташқари блогерларга пуллик обуначилар билан 30 кишилик гуруҳ чати очиш имконияти ҳам яратилган.

ЎҚИНГ: Windows 12 қачон чиқарилиши маълум бўлди

Сайтимизнинг энг чиройли расмларини Инстаграмдаги саҳифамизда томоша қилинг!