Instagram'га Story'га ўхшаш янги хусусият қўшилмоқда

Instagram'га Story'га ўхшаш янги хусусият қўшилмоқда

XDA нашрининг хабар беришича (The Verge орқали), Instagram обуначиларингизга хат қолдириш имконини берадиган "Изоҳлар" функцияси устида ишламоқда. У Хабарлар бўлимида, қидирув панели остида, обуначингиз профили устида матн қутиси кўринишида жойлашган ва унинг ичида "Хаёлингиздаги нарсалар билан улашинг..." таклиф матни ёзилган бўлади.

Маълум бўлишича, сиз ўз обуначиларингизга 60 белгигача бўлган қисқа хабарлар ёзиб қолдиришингиз мумкин бўлади ва бунда обуначилар сизнинг хабар қолдирганлигингиз ҳақида огоҳлантирилмайди. Улар сизнинг хабарингизни худди Story'лардек 24 соат ичида кўришлари ва уларга жавоб қайтаришлари мумкин бўлади.

Аввалроқ Instagram матбуот котиби: "Биз ҳар доим Instagram'да яхшироқ алоқа қилишингизга ёрдам берадиган йўллар устида ишлаймиз. Биз ҳозирда одамлар ўзларининг фикларини тезкор улашиш имконини берадиган "Изоҳлар" функциясини бошланишига кам сонли одамлар билан синовдан ўтказяпмиз", - деган эди TechCrunch нашрига.

Хабарларга кўра, Instagram бу функцияни устида июн ойидан бери ишлаб келмоқда ва у тез орада барча учун чиқарилиши кутилмоқда.

ЎҚИНГ: Мета вакили Ўзбекистонда Facebook ва Instagram'нинг қанча фаол фойдаланувчиси борлигини маълум қилди

Terabayt.uz сайтининг видеолари: Youtube'даги каналимизда!