Intel Core i9 vs Apple M1 Max — қай бири кучлироқ?

Intel'нинг 12-авлод “Alder Lake-H“ мобил процессорлари юқори тезликни таклиф қилади, аммо Apple M1 Max ҳам тезлик ҳамда унумдорлик бўйича Intel'дан қолишмайди. Хўш қайси чипсет кучлироқ? 

ЎҚИНГ: Янги iPhone SE 2022 смартфонидан нималар кутилмоқда?

Mac ҳамда шахсий компьютерлар ўртасидаги рақобат кучайиб бормоқда. Intel 12-авлод процессорининг ноутбуклар учун ҳам тақдим этилиши ҳамда M1 чипларининг яратилиши ушбу рақобатни янада кескинлаштириб юборди. 

Бир неча йил олдин Apple 2022 йил охиригача Intel процессорларини бутун Mac қурилмаларидан чиқариб ташлашини эълон қилиб, Intel'га катта зарба берди. Ҳозирда Apple ўз йўлидан изчиллик билан кетмоқда. Ортда қолган даврда компания MacBook Air ҳамда Mac mini қурилмаларини M1 чипи билан, 14 ва 16 дюймли MacBook Pro моделларини эса M1 Pro ҳамда M1 Max чиплари билан жиҳозлади. 

Ўтган ойда эса Intel компанияси ноутбуклар учун мўлжалланган ўзининг 12 авлод Core i9-12900HK процессорини тақдим этди. 

M1 Max ҳам, Intel Core i9 ҳам мураккаб чип архитектурасига эга бўлганлиги сабаб, уларни бир-бири билан таққослаш қийин бўлади. 

Икки компания турли терминология ва бироз бошқача технологиялардан фойдаланса-да, уларнинг айрим қисмларини таққослаш мумкин. Иккала процессор ҳам DDR4 ва DDR5 каби хотира форматларини қўллаб-қувватлайди ва юқори унумдорликдаги вазифаларни бажара олади. 

M1 Max чипи фақат Apple компаниясининг энг сўнгги MacBook Pro ноутбукларида опция сифатида мавжуд, ушбу ноутбуклар стандартлаштирилган портлар ва функциялар тўпламига эга. Бошқа томондан, Intel'нинг 12-авлод Alder Lake процессорини турли хил компанияларнинг ноутбукларида учратиш мумкин. Intel, Apple'дан фарқли ўлароқ, кўпроқ функция ва технологияларни қўллаб-қувватлайди. 

Intel'нинг янги процессори Wi-Fi 6, PCI Express 4.0 ва 5.0 ҳамда DDR5, LPDDR5, DDR4 ва LPDDR4Х хотира форматларини, шунингдек, Thunderbolt 4, ўнтагача USB 2.0, тўртта USB 3 портини қўллаб-қувватлайди. 

M1 Max чипи билан жиҳозланган 16 дюймли MacBook Pro ноутбуки учта Thunderbolt 4 ва HDMI портлари ҳамда SDXC карта слотига эга. Гарчи чип бундан-да, кўпроқ портлар билан ишлай олсада, фойдаланувчи Apple қурилмаси эга бўлган портлар билан чекланади. 

Core i9 ҳамда M1 Max'нинг унумдорлик даражасини таққослаш учун улар турли хил тестлардан ўтказилди. 

Унумдорлик 

Икки процессорнинг унумдорлик даражасини таққослаш учун бенчмарк тестларига мурожаат қилинди. Бу орқали уларнинг барча имкониятларини аниқлаш мумкин бўлди. 

Handbrake 1.4 

Иккала тизимда ҳам ўтказилган энг оддий синов бу Handbrake 1.4 бўлиб, у 12 дақиқалик видеони 4K H.264 видео файлидан 1080p гача транскодлашни ўз ичига олади. Бу нафақат процессорнинг умумий имкониятларини солиштиришнинг ажойиб усули, балки у процессорнинг видео таҳрирлаш учун қанчалик мослигини ҳам ўлчайди. 

Натижалар ўхшаш бўлди, Intel Core i9 атиги сонияларга тезроқ бўлиб чиқди. У топшириқни 4 дақиқа 42 сонияда (4:42), Apple M1 Max эса 4:49 сонияда бажарди. 

Cinebench R23 

Соф процессор қобилиятини ўлчайдиган яна бир синов бу Cinebench R23 тести бўлиб, у 10 дақиқалик тасвирларни кўрсатиш учун кўп ядроли ҳисоблашдан фойдаланади. 

Бу тестда 12-авлод Core i9-12900HK каттароқ фарқ билан ғалаба қозонди. У 16,259 баллни,  M1 Max эса 12,395 баллни қўлга киритди. 

GeekBench 5.4.1 Pro 

Процессор кундалик вазифаларни қанчалик яхши бажараётгани ҳақида умумий маълумот олиш учун Primate Labs GeekBench Pro 5.4 тестига мурожаат қилинди, M1 Max чипига эга бўлган MacBook Pro ноутбуки 12,759 балл тўплади, бироқ Intel Core i9 процсессори 13,506 балл билан рақибини ортда қолдирди. 

Adobe Photoshop 22 CC 

Контент яратиш қобилиятини синаб кўриш учун Adobe Photoshop ва PugetBench иловаларидан фойдаланиб кўрилди. Ушбу тестда градиентларни тўлдириш ёки майдонни хиралаштиришни фильтрлаш каби одатий Photoshop функцияларидан фойдаланилди. Бу энг муҳим синовдир, чунки бу ҳар қандай контент яратувчиси мунтазам равишда бажарадиган вазифалар ҳисобланади. 

Ушбу таққос авлагилардан фарқ қилади. Чунки ушбу синовларда процессор тўлиқ куч билан ишламайди. 

Шуни такидлаш керакки, PugetBench ва Adobe Photoshop 22 CC тестини Apple тизими қўллаб-қувватлайди. Бунинг учун тизим Rosetta 2 эмуляциясини талаб қилади. Шу муаммо сабаб M1 Max нисбатан пастроқ, яъни 876 баллни қўлга киритди. Core i9-12900HK эса бундай ҳолат кузатилмади ва у 1192 балл тўплади. 

Core i9 vs M1 Max: қай бири контент яратишда яхшироқ? 

Apple компутер ва ноутбуклари видео ҳамда график таҳрир билан шуғулланувчи мутахассислар учун муҳим аҳамиятга эга. Чунки улар ушбу қурилмаларда ўзларига керакли бўлган кўплаб иловаларни топишлари мумкин бўлади. Бироқ ҳозирда компьютер ва ноутбук бозорида Apple'га муносиб муқобиллар мавжуд. Шу ўринда савол туғилади: контент яратиш учун қайси бири яхшироқ, Intel Core i9 ёки Apple M1 Max? 

Медиа билан ишлаш ҳақида гап кетганда, хоҳ у оддий Photoshop'дан фойдаланиш, хоҳ мусиқа ёки видео таҳрирлаш каби мураккаброқ вазифалар билан ишлаш бўлсин, Intel Core i9-12900HK процессори бу борада ўз ишини M1 Max чипга қараганда бироз яхшироқ бажаради.

Core i9 Photoshop'да кўпроқ балл қўлга киритди ва берилган вазифани қисқароқ фурсатда бажарди. Handbrake тестида видеони транскодлаш амалини тезкор бажаради. 

Бироқ бу Apple медиа дастурлар билан ёмон ишлайди дегани эмас. Сўнгги русумдаги Mac компьютерларида Apple Final Cut Pro, Logic Pro X ёки Adobe Audition каби профессионал таҳрирчилар учун яратилган иловлар мавжуд.

Core i9 vs M1 Max: ўйин учун қай бири яхшироқ? 

Умуман олганда, бу борада Intel устунроқ. Сабаби M1 чиплари билан ишловчи ўйинлар сони кўп эмас. 

Маc учун мўлжалланган ўйинлар синаб кўрилганда, ноутбук ўзини яхши кўрсатди. Қурилма 2016 йилги Hitman ва Rise of the Tomb Raider (2015) каби ўйинларни секундига 100 дан ортиқ кадрда (fps) етказиб берди, аммо юқоридаги ўйинлар Mac қурилмаларида стандарт равишда ишламайди. 

M1 Max фақатгина M1 чиплари билан ишловчи GPU ядроларига таянади. Унга Nvidia ёки AMD гарфик процессорларини қўшишнинг имкони йўқ.

Intel эса ўзи яхши интеграллаша оладиган Iris Xe Graphics гарфик процессорини таклиф қилади. Apple'дан фарқли ўлароқ, Intel бошқа компанияларнинг график процессорлари билан интеграллаша олади. 

Бироқ ҳозирги кундаги Mac қурилмаларидан ҳам ўйин ўйнашда фойдаланиш мумкин. 

Умумий олганда эса Intel кўплаб ўйинларни ҳамда бошқа турдаги гарфик процессорни қўллаб-қувватлайди. Шунинг учун, ўйин ўйнаш учун 12-авлод Intel Core i9 процессори анча қулайроқ. 

ЎҚИНГ: Snapdragon ҳамда Exynos чипига эга бўлган Galaxy S22 Ultra'нинг GeekBench'даги натижалари таққосланди