Intel процессорларида ишлайдиган мини компьютерлар мақбул нархларда
Интернет дўконларида Windows операцион тизимида ишлайдиган, Intel процессорлари ўрнатилган бир қатор митти компьютерлар савдоси йўлга қўйилган. Қуйида медиа-плеер ёки идора компьютери сифатида ишлатиш мумкин бўлган бир қатор моделларни тақдим этамиз. Уларнинг асосий ўзига хослиги ихчамлиги ва арзонлигидадир.
HYSTOU FMP03 Fanless Mini PC деб ном олган Barebone-тизими ихчам корпус билан таъминланган бўлиб, унинг ичига Intel Core-i3-4010U (1.7GHz) процессори ўрнатилган. Унда LAN, 4хUSB 3.0 и 2хUSB 2.0 чиқиш портлари мавжуд бўлиб, тезкор ва ички хотирага эга эмас. Бироқ 16 Гб гача бўлган иккита DDR3L ҳамда SSD + HDD`ларни қўллаб-қувватлайдиган mSATA ва SATA ахборот ташувчилардан фойдаланиш мумкин.
Нархи — 185 доллар.
BEELINK BT3 митти компьютери тўрт ядроли Intel Atom Cherry Trail x5-Z8300 процессори, 2 ГБ тезкор ҳамда 64 ГБ доимий хотирага эга. Унинг хотирасини 128 Гб гача ошириш мумкин. Компьютерда USB2.0, SD Card, USB3.0, RJ45,HDMI ва аудио чиқиш портлари мавжуд. Икки диапазонли Wi-Fi ва Bluetooth технологияларини қўллаб-қувватлайди. Компьютер Windows 10 операцион тизимида ишлайди.
Нархи — 117 доллар.
Ихчам VOYO V3 Mini PC митти компьютерининг ўлчамлари 130х130х10 мм бўлиб, ичига 64 битли 1.6 ГГц частотада ишлайдиган тўрт ядроли Intel Atom x7-Z8700 процессори ўрнатилган. Процессор турбо-режимда 600 МГц гача частотали Intel HD Graphics график тезлаткичи бўлган 2.4 ГГц частотали ядрони ҳам ўз ичига олган. Тезкор хотира — 4 Гб, доимий — 128 Гб. Wi-Fi ва Bluetooth 4.0 модулларидан ташқари, HDMI, 2хUSB 3.0, USB 2.0, USB Type-C ҳамда 128 Гб гача ҳажмдаги MicroSD хотира карталари учун чиқиш слотига эга. Аукцион нархи — 199 доллар.
Бундан аввалроқ эса 35 долларлик Raspberry Pi 3 мини компьютери савдога чиқарилгани ҳақида хабар қилинган эди. Raspberry Pi 3 64 бит, 1,2 ГГц частотали ARM Cortex-A53 процессори билан таъминланган. Тезкор хотира — 1 гигабайт. Шунингдек, компьютерда тўртта USB 2.0 порти, 3,5 миллиметрли аудио чиқиш слоти, HDMI, дисплей ва камераларга уланадиган интерфейслар (DSI ва CSI) мавжуд. Унга Wi-Fi ва Bluetooth модуллари ҳам ўрнатилган.