Интернет 100 баробар тез ишлайдиган бўлади
Австралиялик олимлар маълумотларни оптиктоладан узатишнинг янги усулини ўйлаб топишди. Бир-бирининг ўрнини босадиган комплектация тизими осонгина эксплуатация қилиниши мумкин ва маълумотларни ҳаддан зиёд тезлаштириб юборади. Тадқиқот натижалари Nature Communications журналида эълон қилинди.
Ҳозирда маълумотларни узатиш учун оптик тола тизими ишлатилади. Кабелнинг бир учида маълумотни ёруғлик чақнаши кўринишида кодлаб турадиган қурилма туради, иккинчи учида ушбу чақноқни кодсизлантириб хабарни қабул қиладиган қурилма туради. Кабелнинг ўзи жуда ингичка, қалинлиги инсон сочларидек келадиган трубкалардан иборат бўлади. Маълумотларни узатиш сиғими чекланган. Чунки у фақат кўриниб турадиган спектрдан фойдаланади ва шу сабабли у трубка бўйлаб девардан акс этиб тартиб билан ўтади. Қўпол қилиб айтганда, маълумотлар икки ўлчамли макондан ўтгандек туюлади.
Мельбурндаги RMIT университет профессори Мин Гу жамоаси ҳозирда мана шундай оптик толали тизим устида иш олиб бормоқда. У инсон кўзи илғай олмайдиган ёруғликнинг бошқа спектрини ишлата олади. Энг асосийси, ушбу ёруғлик спиралда буралган.
ЎҚИНГ: Анти-булут лазери квант интернетини яратишда ёрдам беради
Ёруғлик тўлқинлари ўзгарувчанлигидан ҳамда ёруғликнинг кўринмас спектридан фойдаланиб, янги технология кабелнинг ўтказувчанлик қобилиятини яна бир баробарга оширади. Ёруғлик тўлқинлари спиралга буралганлигига сабаб орбитал бурчакли лаҳзалар даражасини оширишдан иборат. Бу маълумот ўтиши учун учинчи ўлчамни яратади. Профессор буни ДНК спирали билан тенглаштирмоқда. Спирал қанчалик кучли буралган бўлса, маълумот шунча тез ўзатилади.
Энг асосий муаммо узатмаларни қабул қилаётган қурилмада эди. Аввалгиси тушлик қиладиган стол ўлчамидай келарди. Олимлар жамоаси уни илк бор кичрайтиришга муваффақ бўлишди. Натижада у оптик толали кабел трубкасидан бўлди. «Бизнинг наноэлектронли детекторимиз орбиталь бурчакли лаҳзада худди кўзга ўхшайди, у электронли ускуналар учун буралган ёруғлик орқали ўтказаётган ва кодсизлантирилаётган маълумотларни кўриб туради», — дейди профессор Гу.
Янги технологияни ҳозирда мавжуд телекоммуникая тармоқларида бемалол ишлатиш мумкин. Айни пайтда маълумотларни узатишни тезлаштириш усули жуда қимматлашиб кетди. Спирал услуби эса ушбу муаммони арзон ва осон ҳал этади, дейди тадқиқот гуруҳи аъзолари.
