Интернет тезлиги бўйича «Ўзбектелеком» директори яна тушунтириш беришга мажбур бўлди
«Ўзбектелеком» акциядорлик компаниясининг тижорий директори Алишер Зуфаров журналистлар билан «Телекоммуникация соҳасини ривожлантиришнинг долзарб масалалари» мавзусида мулоқот қилди. Бу ҳақда Minbar нашри хабар бермоқда.
ЎҚИНГ: «Ўзбектелеком»: интернет тезлиги оширилиб, нархлар пасайтирилмоқда
Хабарга кўра, тадбирда Minbar мухбири «Ўзбекистонда интернет тезлиги қачон ҳақиқатан ҳам 10 баробар оширилади?» деган саволни берган.
– «Ўзбектелеком» АК томонидан Халқаро пакетли коммутация маркази комплекслари модернизация қилинди ва шу тариқа ХПКМ комплексларининг умумий ўтказиш қобилияти 10 баробар ошди: ўзгартирилган трафиги 110 Гбит/с.дан 1200 Гбит/с.гача ўсди. Бу Ўзбекистонда интернет тезлиги 10 марта яхшиланди дегани. Энди эса кабеллар ва бошқа интернет қурилмаларини янгилаш, ана шу тезликка мослаш керак», – деб жавоб берган Зуфаров.
ЎҚИНГ: Speedtest синовидан «жонли» видео: Ўзбекистонда қайси уяли алоқа операторининг интернети энг тезкор?
Унинг айтишича, ҳозирги вақтга қадар 4 минг км.дан ортиқ мис кабеллар янгиланган, XDSL технологияси ёрдамида хизматлар сифати яхшиланган. Жорий йилнинг биринчи чорагида 2408 та кўп қаватли уй, 1108 та мактаб замонавий алоқа хизматлари билан таъминланган.
Бундан ташқари, «Ўзбектелеком» АК ва бошқа ижтимоий объектлар учун GPON технологиясидан фойдаланган ҳолда замонавий телекоммуникация хизматларини тақдим этиш учун 5000 км.дан ортиқ оптик толали алоқа линиялари йўлга қўйилмоқда.
ЎҚИНГ: Интернет қаерда энг арзону қаерда энг қиммат?
Лекин ижтимоий тармоқларда «Интернет тезлашганини нима учун сезмаяпмиз?» қабилидаги гапларни кўп учратамиз. «Ўзбектелеком» матбуот котиби Александр Сучковнинг айтишича, уларнинг уйларига, офисларига ўрнатилган қурилма бу тезликка жавоб бермайди.
«Тасаввур қилинг, сизга трассада соатига 200 км. тезлик билан ҳаракатланиш рухсат этилган бўлса-ю, транспортингиз бу тезликка мослашмаган бўлса, яратилган имконият бефойда. Аввал қурилмани алмаштириш керак», – деган Сучков.
Сиз учун яна Интернети «эркин бўлмаган» мамлакатлар ҳамда Мобил интернет тезлиги WI-FI дан юқори бўлган 33 та мамлакат ҳақидаги маълумотларимиз ҳам қизиқ бўлиши мумкин.
ЎҚИНГ: Speedtest статистикаси: қаерда мобил интернет энг тезкор?
