Интернетга уланиш бўйича мамлакатлар индекси

Интернетга уланиш бўйича мамлакатлар индекси

Буюк Британиянинг Broadbandchoices компанияси ўртача интернет тезлиги, уй учун кенг полосали интернет нархи ва уни сотиб олишга одамлар имконияти ва 1 Gb мобил интернет нархи каби 10 хил факторларга асосланган ҳолда мамлакатларнинг глобал интернетга уланиш индекси рейтингини тақдим қилди.

Рўйхат дунё бўйлаб 164 мамлакатларни ўз ичига олган ва улар ичида Ўзбекистон 75.3 балл билан 113 ўринни эгаллаган. Гарчи ўтган йилги рейтингга қараганда бироз юқори балл олган бўлса ҳам, мамлакатимиз бир поғона пастга тушиб қолган.

Маълум бўлишича, бугунги кунда Ўзбекистондаги интернетнинг ўртача юклаб олиш тезлиги 1.8 Mbit/с, ўртача юклаш тезлиги эса 2.5 Mbit/с бўлиб, бунда 1 Gb мобил интернет нархи 1.3 долларни (14 минг сўм атрофида) ташкил қилади.

Рейтингда баллга кўра энг биринчи ўринни Дания давлати 96.6 билан, ўртача юклаб олиш тезлигига кўра Лихтенштейн давлати 75.7 Mbit/с билан, 1 Gb мобил интернет нархи бўйича эса Исроил давлати 0.3 доллар билан эгаллаган.

Юқоридаги жадвалда сиз келтирилган факторларга кўра мамлакатларни саралаб олишингиз ёки қидириб топишингиз ҳам мумкин.

ЎҚИНГ: Ўзбекистондаги кибержиноятчилик ҳолати ҳақида маълумот берилди

Terabayt.uz сайтининг видеолари: Youtube'даги каналимизда!