Интернети «эркин бўлмаган» мамлакатлар
Freedom House нодавлат ташкилоти анъанавий «Интернетдаги эркинлик» сўровнома натижаларини эълон қилди. Ўзбекистон рейтингда 75 балл билан «Евросиё» гуруҳидаги энг паст кўрсаткични қайд этди. Бу ҳақида «Podrobno.uz» нашри хабар бермоқда.
Сўровнома интернет фойдаланувчиларининг 87 % ини ташкил қиладиган дунёнинг 65 мамлакатида ўтказилган. Анкета 21 та асосий ва 100 га яқин қўшимча саволларни ўз ичига олган, улар интернетга кириш билан боғлиқ муаммолар, контентнинг чекланиши, фойдаланувчилар ҳуқуқларининг бузилиши каби учта мезонга тааллуқли. Ҳар бир савол бўйича муайян баллар берилади, ушбу баллар қанчалик паст бўлса, интернет шунчалик эркинроқ демакдир (0—30 балл — эркин интернет, 31—60 балл — қисман эркин, 61—100 балл — эркин эмас).
Экспертлар мамлакатда глобал тармоқ ривожланишида кичик прогрессни қайд этди. Бундан ташқари, рўйхатдан ён қўшниларимиз Қозоғистон ва Қирғизистон ҳам жой олган.
