iOS 11: ўта илғор янгиликлар барчани айфон олишга мажбур қилади
Анъанага мувофиқ, жорий йилнинг июнида ҳам Apple WWDC 2017 анжумани доирасида жаҳон миқёсида дастурчиларни йиғиб, iOS мобил операцион тизимининг кейинги авлодини синов тариқасида ишга туширади. Ундан сўнг компания 3 ой давомида дастурчилар билан уларни такомиллаштириш чораларини кўради.
Расмий анонсга қадар янги платформанинг ўзига хос жиҳатларига қисқача тўхталиб ўтсак. Apple навбатдаги iOS 11 тизимидаги қатор янги функциялар билан фойдаланувчиларини ҳайратда қолдиришни режа қилган.
1. “FaceTime” гуруҳли видео қўнғироқларда 5 тагача абонент иштирок этиши мумкин бўлади. Натижада, бошқа видео қўнғироқ имконига эга мессенжерлардан фойдаланишга зарурат қолмайди.
2. Бренд фойдаланувчилари ўртасида Apple Pay тўловлари йўлга қўйилади. Apple ўзининг Wallet тўловлар иловасини қайта шакллантириб, Pay деб номлайди ва ижтимоий функция билан бойитади. Яъни, иловада янгиликлар лентаси пайдо бўлади. Янги Pay иловаси iMessage иловаси билан боғлаб қўйилади. Натижада, фойдаланувчилар ушбу мессенжер орқали ҳам маблағ олди-бердисини амалга оширишлари мумкин.
3. FaceTime Audio қўнғироқлари iPhone фойдаланувчилари учун стандарт алоқа тизимига айланади. Яъни, iPhone қурилмасидан бошқа iPhone қурилмасига қўнғироқ қилганда ушбу алоқа мобил алоқа оператори тармоғида эмас, автоматик равишда FaceTime иловаси орқали ўрнатилади. Бу эса овозни янада сифатли олиб узатиш имконини беради. Apple’нинг бу имконияти мобил алоқа операторларини хурсанд қилмаслиги аниқ. Бошқа бренддаги телефонларга қўнғироқ қилганда бундай имконият бўлмайди.
4. Аккумулятор қувватини тежайдиган, автоматлашган ақлли режим. iPhone қурилмасидаги “ақлли” тизим ўзининг эгасининг смартфондан фойдаланиш билан боғлиқ одатларини тадқиқ қилади, ўрганади. Шунга кўра, бу тизим батарея қувватини тежайди. Мисол учун, фойдаланувчи Wi-Fi мавжуд ҳудудга кирганида унинг айфонидаги қувват 20% дан кам бўлса, қувватни тежаш режими автоматик равишда ишга тушиб кетади.
5. Ўз-ўзини ишга туширадиган қувват тежаш режими. Apple в iOS 11 мобил қурилмадаги қувватнинг узоққа етишига алоҳида урғу қаратади. Қувват тежайдиган илк режим iOS 9’да татбиқ қилинган: бунда визуал эффектларни қисқартириш ва фон суратларини янгилаш каби “оғир” жараёнларни чеклаш орқали қувват тежалади. Бунинг учун уни созламалар орқали ёқиш керак бўлади. iOS 11 технологияси эса режим автоматик тарзда ишга тушади.
iOS 11 анонси 5 июнда WWDC 2017 анжуманида бўлиб ўтади. Платформа куздан бошлаб барча учун фойдаланишга очилади ва янгиланган операцион тизимни юклаб олиш мумкин бўлади.
