iOS учун Telegram 4.8.2 талқини чиқди – энди контактларни осон бошқарасиз!

  •   DiMaX
  •  1058
  •  02.06.2018 15:59

iOS учун Telegram 4.8.2 талқини чиқди – энди контактларни осон бошқарасиз!

Россияда блокланиши билан боғлиқ можаролар сабабли Telegram иловасининг iOS тизими учун ишлаб чиқилган талқини янгиланмай келаётган эди. Ниҳоят, бугун – 2018 йилнинг 2 июнида Telegram мессенжери кутилмаганда мазкур блокировкадан халос бўлди.

ЎҚИНГ: Кутилмаганда Telegram'дан блокировка олиб ташланди

Шундай қилиб, iOS операцион тизимидаги гаджетлар учун Telegram клиентининг 4.8.2 (69401) рақамли талқини тақдим этилди. Унда iPhone ҳамда iPad соҳиблари учун қуйидаги янги имкониятлар мавжуд:

  1. Мессенжерда рўйхатдан ўтиш (аккаунт очиш) жараёни янгиланган. Буюк Британияда ҳамда Европа Иттифоқи мамлакатларида яшовчилар 16 ёшга тўлмаган бўлсалар, Telegram’дан фойдаланишлари тақиқланади.
  2. Telegram’да рўйхатдан ўтаётганда энди унинг Махфийлик сиёсати (http://telegram.org/privacy) шартларини қабул қилишингиз лозим бўлади.
  3. Мессенжерда бегона контактлар пайдо бўлиб қолаётган бўлса, уларни бошқариш осонлашди. Энди ундаги контактларингиз сервердан янгиланишини бекор қилишингиз, шунингдек, синхронизация туфайли қўшилиб қолган контактларни ўчириб юборишингиз мумкин. Буларнинг барчаси илованинг «Махфийлик ва хавфсизлик» созламалари (Настройки конфиденциальности и безопасности – Privacy & Security settings) бўлимида амалга оширилади.

ЎҚИНГ: Telegram’да нотаниш контактлар пайдо бўляптими? Бартараф этамиз!

  1. Агарда сиз «Махфий чат»ларда ҳаволаларни дастлабки кўриш функциясини ёқиб қўйган бўлсангиз, уни ҳам «Махфийлик ва хавфсизлик» созламалари орқали ўчириш имкони бор.
  2. iOS 11.4 талқинида стикерларни кўришга тўсқинлик қилаётган муаммо бартараф этилган.
  3. Мессенжерга MTProto Proxies проксилари татбиқ этилган.
  4. Цензурани айланиб ўтишдаги хатоликлар тўғриланган.
  5. Овозли қўнғироқлар учун янги – VoIP 2.1 кутубхонаси жорий этилган.

Агарда сиз ўз айфон ёки айпадингизда Telegram ишлатаётган бўлсангиз, юқоридаги имкониятлардан фойдаланиш учун уни янгилаб кўринг. Бордию мазкур мессенжерни ҳали ўрнатмаган бўлсангиз, у ҳолда мана бу ҳавола орқали уни юклаб олишингиз мумкин.

ЎҚИНГ: Telegram узоқ кутилган муҳим функцияга эга бўлади