iOS учун Telegram'га янги функция қўшилади

iOS учун Telegram'га янги функция қўшилади

Telegram жамоаси iOS дастурчилар учун янги танловнинг биринчи босқичини эълон қилди. Вазифа Swift дастурлаш тилида iOS'нинг ички медиа таҳрирловчисига ўхшаш илова яратиш бўлиб, бунда дастурчилардан учинчи томон UI фреймворкларидан фойдаланишлари тақиқланади. Якуний илова iOS 13 ва ундан юқори версиялар учун мос бўлиши ва иложи борича Telegram томонидан тақдим қилинган намунага яқин кўринишда бўлиши керак.

Мусобақа дедлайни 31 октбарга белгиланган ва унда ҳамма қатнашиши мумкин. Натижалар 10 ноябр куни эълон қилинади. Ғолиб 50,000 доллар пул мукофоти билан тақдирланади ва у Telegram жамоасига қўшилиши мумкинлиги ҳам маълум қилинган. Батафсил маълумотлар билан бу ерда танишишингиз мумкин.

Telegram якуний натижани iPhone 6s'дан то iPhone 14 Pro моделларигача бўлган iOS смартфонларида синаб кўради ва у келажакда янгиланиш билан барчага чиқарилади.

ЎҚИНГ: Telegram'да навбатдаги фирибгарлик: "Сиз 3 ойлик Premium обуна ютиб олдингиз!"

Terabayt.uz сайтининг видеолари: Youtube'даги каналимизда!