iOS ва Windows фойдаланувчиларига яхши янгилик бор

iOS ва Windows фойдаланувчиларига яхши янгилик бор

Бир қанча муддат олдин Microsoft ўзининг булутли ўйин сервисини Android учун тақдим этган ва ушбу хизматни iOS ва Windows қурилмалари учун ҳам тақдим қилажагини ваъда берганди. Энди эса, ушбу янгилик қачон жорий қилиниши мумкинлиги борасида бироз бўлса-да, маълумотга эга бўлдик.

Бу катта янгилик, сабаби xCloud деб аталувчи ушбу сервис билан энг сўнгги ўйинларни ўйнаш учун сиздан кучли ўйин компьютери сотиб олиш талаб қилинмайди. Агар сизда Xbox консоли бўлса ва ойига 15 долларлик Game Pass Ultimate обунасига аъзо бўлган бўлсангиз, браузерингиз ёки Windows учун Xbox иловаси орқали ўйинлардан баҳраманд бўлишингиз мумкин бўлади. Ўзингиз ҳам сезганингиздек, ўйинларни ўйнаш учун тезкор ва барқарор интернет талаб қилинади.

Худди Google Stadia, GeForce Now ва Amazon Luna сервислари сингари xCloud iPhone'ларда Apple'нинг App Store'идан эмас, балки браузердан фойдаланиши эҳтимоли катта.

ЎҚИНГ: Google ниҳоят Fuchsia операцион тизимини ишлатиб кўришга рухсат берди!