iPhone 11 Pro "қилма", деган ишни ҳам қилаверар экан

iPhone 11 Pro

iOS 13 чиқарилганда, операцион тизимнинг махфийлик созламалари кучайтирилганлиги таъкидланган эди. Ваҳоланки, афтидан, барча илова ва функцияларнинг геолокация маълумотларидан фойдаланишини чеклаб қўйсангиз ҳам, қурилма жойлашувингиз ҳақида маълумот йиғиб бораверади.

Брайн Кребснинг айтишича, iPhone 11 Pro'да Жойлашув хизматлари ўчириб қўйилганда ҳам, GPS маълумотларини йиғилаверади ва ҳаттоки геолокация иконкаси билдиришномалар панелида кўриниб туради.

Apple'нинг Махфийлик сиёсатига кўра, қурилма яқин атрофдаги Wi-Fi тармоқлари ва мобил алоқа минораларининг геотегли локацияларини аноним ва шифрланган кўринишда вақти-вақти билан серверга узатиб туради. Бироқ компаниянинг таъкидлашича, геолокация йиғиб борилишини иловама-илова ўчириб қўйиш мумкин.

Афсуски, Кребс томонидан тайёрланган видеода кўрсатилишича, барча иловаларнинг геомаълумотлар олиш имкони чекланиб, мобил алоқа вақтинча узиб қўйилса ҳам, алоқа қайта тикланганда GPS иконкаси экранда яна кўринади.Ушбу ҳолатга муносабат билдирган компания мухандисларидан бири бу масала борасида ҳеч қандай хавотирга ўрин йўқлигини таъкидлаган. Мухандиснинг яна таъкидлашича, иконка Созламалар орқали ўчириб бўлмайдиган хизматлар ишлаётганда ҳам пайдо бўлади. Мутахассиснинг сўзларидан iPhone'ларда фойдаланувчи томонидан ўчириб қўйиш имкони мавжуд бўлмаган функциялар ҳам мавжуд эканда, деган хулоса келиб чиқади. 

ЎҚИНГ: iPhone, iPad ва бошқа Apple девайслари учун 2019 йилнинг энг зўр илова ҳамда ўйинлари

Сайтимизнинг энг чиройли расмларини Инстаграмдаги саҳифамизда томоша қилинг!